Lehiendarnaja šviejcarskaja tenisistka Marcina Chinhis pryjechała ŭ Minsk na Kubak Fiederacyi
Na hetych vychadnych adbudziecca čarhovaja vialikaja padzieja ŭ historyi biełaruskaha tenisa. Kort na «Čyžoŭka-Arenie» upieršyniu prymie matč paŭfinału Kubka Fiederacyi, u jakim zbornaja Biełarusi sustreniecca sa šviejcarkami. Alaksandra Sasnovič ź siabroŭkami pasprabujuć vyrašyć vielmi składanuju zadaču — upieršyniu vyvieści biełaruskuju kamandu ŭ finał hałoŭnaha kamandnaha turnira žanočaha tenisa.
A ŭ składzie zbornaj Šviejcaryi ŭ Biełaruś jedzie vialikaja zorka. Dumajecca, pra Marcinu Chinhis čuli ŭsie. Vialikich tenisistak było nie tak užo šmat, a šviejcarka (z čechasłavackimi i vienhierskimi karaniami) tryvała ŭvachodzić u hety śpis.
U Chinhis pryrodžany talent. Jaje maci taksama była tenisistkaj — vyjhravała turniry ŭ Čechasłavakii. Mama i stała pieršym trenieram dla Marciny, daŭšy joj u ruki rakietku ŭ dva hady. A ŭžo ŭ 13 Chinhis pačała vystupać siarod darosłych.
Z kožnym hodam Chinhis macnieła ŭ tury i vyjšła na pik da 1997 hoda: da 17 hadoŭ u šviejcarki było ŭžo try pieramohi na Šlemach ŭ adzinočnym razradzie i zvańnie pieršaj rakietki śvietu.
U 1996-m Chinhis zavajavała ŭsich svajoj spadničkaj u harošak.
Studzień-97-ha. Chinhis stanovicca samym maładym pieramožcam turniru Vialikaha Šlema. U Aŭstralii Marcina vyjhrała ŭ 16 hadoŭ 3 miesiacy i 26 dzion.
Turnir u Aŭstralii byŭ samym lubimym dla tenisistki — try zapar viktoryi ŭ adzinočnym razradzie. Usiaho ŭ Chinhis piać tytułaŭ čempijonki Vialikaha Šlema. U adzinočcy joj nie skaryŭsia tolki hrunt «Rałan Haros».
Z samych junych hadoŭ Marcina pačała hrać u parnych razradach. I nie prosta hulać, ale i pieramahać. Darečy, adnojčy šviejcarka vyjhrała Šlem ź biełaruskaj Natašaj Źvieravaj — u 97-m internacyjanalny duet u finale abyhraŭ amierykanak Devienport — Rejmand (6: 2, 6: 2).
Supraćstajańnie Chinhis i Devienport stała ŭpryhožvańniem žanočaha tenisa ŭ kancy 90-ch. Ich matčy źbirali 20-tysiačnyja stadyjony.
Uśmiešlivaja dziaŭčynka ŭražvała nie tolki na korcie, ale i za jaho miežami. Ad prychilnikaŭ u Chinhis nie było adboju.
Mama Miełani zaŭsiody była pobač z supiertalenavitaj i paśpiachovaj dačkoj.
My nie chłusim: prychilniki byli ŭsiudy! Navat u Amierycy, dzie raśli svaje kumiry.
Vyjhraŭšy ledź nie ŭsio ŭ junackim uzroście, Marcina chutka straciła cikavaść da tenisa.
Na dumku mnohich amataraŭ tenisa, nohi Chinhis — samyja daskanałyja nohi ŭ śviecie.
U pačatku «nulavych» Chinhis stała pakutavać ad traŭmaŭ i pieraniesła niekalki apieracyj. U 2002-m Marcina pryniała rašeńnie zaviaršyć karjeru i pačała kamientavać tenis na TB. U tenisie pryjšoŭ čas inšych.
Marcina Chinhis i Rodžer Fiederer — najlepšyja tenisisty ŭ historyi Šviejcaryi. U 2001-m hetaja paračka vyjhrała źmiašany kamandny turnir — Kubak Chopmana.
U 2005-m Chinhis pryniała rašeńnie viarnucca ŭ vialiki sport. Formu šviejcarka nabrała vielmi chutka, za hod viarnuŭšysia ŭ top-8.
U 2007-m Chinhis znoŭ zaviaršyła karjeru. Na hety raz z prysmakam skandału. Dopinh-sproba paśla adnaho z turniraŭ pakazała najaŭnaść kakainu ŭ kryvi tenisistki. Marcina nie stała marnavać čas na raźbiralnictvy i vyrašyła prosta syści. Tym bolš jaje znoŭ pačali mučyć traŭmy.
Šeść hadoŭ Chinhis adsutničała ŭ prafiesijnym tury. Marcina časta śviaciłasia na TB, udzielničała ŭ realici-šou, źjaŭlałasia na śvieckich tusoŭkach i … hulała vystaŭnyja matčy. Navat u pary z adyjoznaj Hannaj Kurnikavaj.
Paśpieła Chinhis i patreniravać. Niekatory čas znakamitaja šviejcarka dapamahała rasijancy Anastasii Paŭlučenkavaj. Darečy, hetaje fota zroblena padčas matču suprać našaj Viktoryi Azaranki na madrydskim turniry.
U 2013-m zdaryłasia treciaje pryšeście Chinhis u tenis. Marcina vyrašyła zasiarodzicca na vystupach u pary i zrabiła adziny pravilny vybar. Duety ź indyjcami Saniej Mirzaj i Leanderam Pajesam byli najlepšymi ŭ śviecie ŭ 2015—16 hadach — 7 pieramoh na turnirach Vialikaha Šlema.
Na Alimpijadzie ŭ Rya Chinhis u pary z Tymiea Bačynski (na fota — para źleva) vyjhrali srebra. Darečy, u Minsku Tymiea taksama budzie.
U apošni čas 36-hadovaja Chinhis šukaje prydatnuju partniorku. Vystupaje ŭ pary navat z tenisistkami z Tajvania. I vyjhraje.
U aŭtorak Marcina prylacieła ŭ Minsk, kab dapamahčy svajoj kamandzie pieramahčy siurpryznych biełarusak.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary