Mahiloŭskaha kaardynatara Ruchu «Za svabodu!» buduć sudzić za arhanizacyju mierapryjemstva, na jakim jon nie byŭ
Šeść hadzinaŭ pratrymali ŭ pastarunku kaardynatara Ruchu «Za Svabodu» pa Mahiloŭskaj vobłaści, adnaho z zajaŭnikaŭ Maršu niedarmajedaŭ u Mahilovie Alesia Siłkova.
«Pieršyja try hadziny mianie pratrymali pad padstavaj, što raźbitaja mašyna, zapytvalisia, ci nie maju ja z kim niepryjacielskich adnosinaŭ. Praz try hadziny pavieźli ŭ prakuraturu», — skazaŭ sajtu Pyx.by Aleś Siłkoŭ.
Pa jahonych słovach, namieśnik hienieralnaha prakurora pa Mahilovie začytaŭ aficyjnaje papiaredžańnie, što ja niasu adkaznaść za Marš niedarmajedaŭ. Siłkoŭ padkreśliŭ, što jaho samoha praz zatrymańnie na maršy nie było.
«Potym znoŭ pryvieźli ŭ RAUS. U 20.20 ja ŭžo vyrašyŭ, što kudyści mianie adpraŭlajuć, ale potym addali dakumienty i skazali: «Čakajcie pozvu», — dadaŭ abłasny kaardynatar Ruchu.
Jon ličyć svoj vypadak unikalnym: miarkujučy pa ŭsim, jaho čakaje sud za arhanizacyju mierapryjemstva, na jakim jon nie byŭ.
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary