Piać pytańniaŭ i adkazaŭ pra kanflikt vakoł zabudovy ŭ Zialonym Łuzie kala Kurapat
Što ŭvohule adbyvajecca?
Na łapiku ziamli pamiž vulicaj Mirašničenki i MKAD kampanija «Biełrekanstrukcyja» pačynaje budaŭnictva piacipaviarchovaha ofisnaha budynka. Miascovyja žychary i salidarnyja ź imi «maładafrontaŭcy» sprabujuć spynić budoŭlu.
Chto dazvoliŭ budaŭnictva?
Učastak płoščaj 0,32 ha kampanija «KIPrekanstrukcyja» ŭziała ŭ arendu jašče ŭ 2013 hodzie, vyjhraŭšy heta prava na aŭkcyjonie. Darečy, płacić arandatar zusim niamnoha — kala 600 rubloŭ na miesiac.
Kali kampanija sabrałasia pačynać budaŭnictva, rajonnyja ŭłady arhanizavali hramadskija słuchańni, supolnyja dla žycharoŭ Savieckaha i Pieršamajskaha rajonaŭ Minska. Ludzi vystupali suprać luboha novaha budaŭnictva — zabrakavali i parkinhi, i kafe, i navat palikliniku. Adnak ci to nie źviarnuli ŭvahu na płanavany biznes-centr, ci to prapanovy nie trapili ŭ pratakoł.
U Administracyi Savieckaha rajona tłumačać, što ŭsie nieabchodnyja dakumienty jość — rašeńnie Minharvykankama, zaklučeńnie dziaržaŭnaj ekśpiertyzy, a taksama dazvoł Departamienta kantrolu i nahladu za budaŭnictvam pa Minsku.
U čym pretenzii miascovych žycharoŭ?
Žychary damoŭ pa vulicy Mirašničenki ŭ pryncypie nie chočuć nijakaha budaŭnictva pad svaimi voknami. Jany miarkujuć, što biznes-centr stvoryć prablemy z parkoŭkami (u prajekcie zapłanavana tolki 40 mašynamiescaŭ). Taksama ich aburaje vysiečka drevaŭ.
Dy i ŭčastak byŭ addadzieny ŭ arendu jašče ŭ 2013 hodzie, zadoŭha da hramadskaha abmierkavańnia. Detalovy płan paśla abmierkavańnia ŭ 2016 hodzie adpravili na dapracoŭku, a budaŭnictva pačali, nie čakajučy zaćviardžeńnia hetaha płana.
Čamu tema zacikavała hramadskaść?
Rezanansu temie dadała blizkaść da Kurapataŭ. Asnoŭnaja častka mahiłaŭ achviaraŭ stalinskich represij znachodzicca na advarotnym baku MKAD.
U internecie była apublikavanaja karta, na jakoj vidać, što łapik, vydzieleny pad budaŭnictva biznes-centra, znachodziŭsia ŭnutry achoŭnaj zony, choć i na samym krai.
U achoŭnaj zonie budavać ničoha nielha, vakoł jaje musić być «zona rehulavańnia budaŭnictva», dzie isnujuć abmiežavańni.
Adnak, jak vyjaviłasia, dva hady tamu miežy achoŭnaj zony byli źmienienyja.Jany zaćvierdžanyja pastanovaj Ministerstva kultury №70 ad 1 śniežnia 2014 hoda.
Hladzi kartu:
Zastajecca pytańnie, jak kampanija «KIPrekanstrukcyja» mahła ŭ 2013 hodzie ŭziać u arendu ziamlu ŭ achoŭnaj zonie Kurapataŭ.
Ci mohuć padčas budoŭli znajści pareštki achviaraŭ Kurapat?
U kožnaha z bakoŭ kanfliktu svaja praŭda.
U lesie, pobač ź jakim viadziecca budaŭnictva, pachavańni jość. Pryčym padčas rasstrełaŭ tam było pole, takoje samaje jak i na miescy ciapierašniaha budaŭnictva. Tamu abaroncy Kurapataŭ nie vyklučajuć, što ekskavatary dastanuć z-pad ziamli kostki.
Zabudoŭščyk pierakonvaje, što imaviernaść hetaha nulavaja. Maŭlaŭ, na hetym łapiku ziamli prakładzienaja bieźlič vadapravodnych i elektrakabielaŭ. Pry ich prakładcy nijakich pareštak nie znachodzili.
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć99
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć9
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes21
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary