Amierykanskaja Mytna-pamiežnaja słužba paviedamiła avijakampanijam ab mahčymaści dopusku na rejsy ŭ ZŠA hramadzian siami pieravažna musulmanskich krain, jakim raniej ukazam prezidenta krainy Donalda Trampa byŭ zabaronieny ŭjezd na terytoryju krainy, paviedamlaje VVS.
U avijakampanii Qatar Airways u adkaz zajavili, što prystupajuć da dopusku pasažyraŭ na bort nieadkładna. Kampanija Air France taksama zajaviła, što maje namier adnavić pieravozki hramadzian, jakija trapili pad dziejańnie ŭkaza.
Zhodna z rašeńniem mytnaj słužby, hramadzianie siami musulmanskich krain, ab jakich išła havorka ŭ prezidenckim rasparadžeńni, zmohuć pierasiačy miažu ZŠA ŭ adpaviednaści z najaŭnymi ŭ ich dakumientami (dziejnymi vizami abo hryn-kartami).
Pra rašeńnie mytnaj słužby stała viadoma praz usiaho niekalki hadzin paśla taho, jak fiederalny sud u Sietle (štat Vašynhton) prypyniŭ dziejańnie mihracyjnaha ukaza Trampa.
Krychu paźniej u Biełym domie paviedamili ab namiery miniusta asprečyć hetaje rašeńnie. U viedamstvie nazvali mihracyjny ukaz Tramp pravamiernym i metazhodnym.
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć
Kamientary