Zamiežniki, jakija prybyvajuć u Minsk pa «biaźvizie», buduć praviaracca praz bazy Biełarusi i Rasii
Zamiežnyja hramadzianie, jakija prybyvajuć pa biaźvizavym režymie ŭ Nacyjanalny aeraport Minsk, buduć praviaracca praź śpiecyjalnyja bazy, jakija isnujuć u Biełarusi i Rasii. Pra heta siońnia ŭ čas videamosta, na jakim abmiarkoŭvalisia pytańni, źviazanyja z uviadzieńniem u Biełarusi biaźvizavaha ŭjezdu dla hramadzian 80 dziaržaŭ, zajaviŭ biełaruski ekśpiert u halinie nacyjanalnaj biaśpieki Alaksandr Ciščanka.
Ekśpiert akcentavaŭ uvahu, što biaźvizavy ŭjezd budzie dazvoleny tolki praź minski aeraport. Isnuje sistema biaśpieki samoha aeraporta, sistema kantrolu biaśpieki pahraničnaj słužby, mytnaj słužby.
«Čałaviek prachodzić poŭnaściu filtracyju z punktu hledžańnia raboty z bazami, — adznačyŭ Alaksandr Ciščanka. — Usie prablemnyja asoby, jakija znachodziacca ŭ našych biełaruskich i rasijskich bazach, buduć prachodzić praz hety filtr baz. Tamu havaryć ab tym, što chtości prablemny moža trapić na terytoryju Biełarusi i adpaviedna dalej niejak ruchacca na terytoryju Rasii — heta, pa sutnaści, reč nadumanaja».
Aficyjnyja asoby, u tym liku z rasijskaha boku, pryznajuć, što sistemy biaśpieki i kantrolu za ŭjezdam inšaziemnych hramadzian nie mianiajucca. «Pryčym heta vykazana na davoli vysokim uzroŭni», — adznačyŭ ekśpiert. Na jaho dumku, zakłapočanaść nakont rašeńnia ab biaźvizavym ujeździe bolš fihuruje ŭ rasijskich ŚMI.
«Sistemy biaśpieki, vybudavanyja ŭ ramkach Sajuznaj dziaržavy, dziejničajuć vielmi dakładna, — skazaŭ Alaksandr Ciščanka. — Idzie abmien danymi na ŭzroŭni ŭsich słužbaŭ, a nie tolki pahraničnych».
Ukazam numar 8 «Ab ustanaŭleńni biaźvizavaha paradku ŭjezdu i vyjezdu inšaziemnych hramadzian» z 12 lutaha ŭstanaŭlivajecca biaźvizavy paradak ujezdu ŭ Biełaruś na termin nie bolš jak 5 sutak pry ŭjeździe praz punkt propusku praź Dziaržaŭnuju hranicu Nacyjanalny aeraport Minsk dla hramadzian 80 dziaržaŭ. Dziejańnie dakumienta raspaŭsiudžvajecca na 39 krain Jeŭropy, uklučajučy ŭvieś Jeŭrasajuz, a taksama Braziliju, Indanieziju, ZŠA, Kanadu, Japoniju i inšyja dziaržavy. U pieršuju čarhu heta stabilnyja ŭ mihracyjnym płanie krainy, stratehičnyja partniory Biełarusi, dziaržavy, jakija ŭ adnabakovym paradku ŭstanavili biaźvizavy režym u dačynieńni da biełaruskich hramadzian.
Kamientary