Abmierkavańnie pachavańnia ŭ Tajvani z udziełam 50 stryptyziorak stała temaj tydnia ŭ kitajskim internecie, piša VVS.
U čaćvier u horadzie Čyai na poŭdni pravincyi chavali pamierłaha ŭ minułym miesiacy miascovaha palityčnaha dziejača Tunha Syana. Pa siecivie raspaŭsiudziłasia videa pachavalnaj pracesii z napaŭhołymi tancorkami na dachach džypaŭ.
Siamja niabožčyka patłumačyła, što Tunha Syan byŭ vielmi žyćcielubivym čałaviekam i ŭmieŭ atrymlivać zadavalnieńnie ad žyćcia. Zładziŭšy jamu takoje pachavańnie, svajaki chacieli addać daninu hetaj jaho rysie, paviedamlaje miascovaja presa.
Pracesija składałasia z roznakalarovych džypaŭ, ź jakich niesłasia hučnaja muzyka. Za imi išli barabanščyki i maršyravaŭ admysłovy tancavalny kalektyŭ. Zaprošanyja akciory byli apranutyja ŭ kaściumy bažkoŭ i hihanckich lalek.
Takoj malaŭničaj pracesii cichi pravincyjny haradok nie bačyŭ nikoli, pišuć miascovyja ŚMI.
Tunha Syan zajmaŭsia palitykaj niekalki dziesiacihodździaŭ, a ŭ apošnija hady ŭznačalvaŭ miascovy saviet. Jon byŭ vielmi papularnaj fihuraj u palityčnych kołach Tajvania.
Jon pamior u 76 hadoŭ ad chvaroby, nazva jakoj nie ŭdakładniajecca.
«Za dva dni da pachavańnia jon źjaviŭsia nam u śnie i skazaŭ, što choča mienavita takoj cyrymonii», — skazaŭ u intervju tajvańskaj telekampanii CTS brat niabožčyka.
Videa z pachavańnia razyšlisia pa kitajskim internecie i aktyŭna abmiarkoŭvajucca ŭ miascovaj sacyjalnaj sietcy Weibo.
«Voś heta pachavańnie, voś dyk jano», — napisaŭ adzin z karystalnikaŭ.
«Padobna, što ŭ hetaj spravie Tajvań na pieršym miescy», - padtrymaŭ inšy.
Mnohija karystalniki pachvalili siamju pamierłaha za malaŭničaje pradstaŭleńnie, jakoje paciešyła žycharoŭ horada.
«Voś što značyć być sapraŭdy narodnym vybrańnikam», — skazaŭ adzin z žycharoŭ Čyai.
«Miascovyja žychary prosiać: kali łaska, pamrycie jašče razok», — pažartavaŭ druhi.
Udzieł tancoraŭ i navat stryptyzierak u pachavańni — nie takaja ŭžo niezvyčajnaja praktyka ŭ niekatorych płastach tajvańskaha hramadstva, jakija prytrymlivajucca pahanskich abradaŭ i vierać u toje, što duchaŭ nieabchodna zabaŭlać.
Ciapier čytajuć
Adstaŭny ministr-karupcyjanier pradaje reśpiektabielny katedž kala Drazdoŭ. Prosić $2 miljony2
Kamientary