Rasija, Turcyja i Iran raspracoŭvajuć prajekt padziełu Siryi na nieaficyjnyja zony ŭpłyvu, paviedamlaje ahienctva Reuters sa spasyłkaj na krynicy.
Zhodna z damoŭlenaściami, jakija pakul znachodziacca ŭ «začatkavym stanie», Siryja pavinna pieratvarycca ŭ svajho rodu fiederacyju pad kantrolem ałavitaŭ — paśladoŭnikaŭ blizkaj da šyitaŭ relihijnaj płyni, da jakoj naležyć ciapierašni prezident Bašar Asad.
Asad zmoža zastacca va ŭładzie da nastupnych prezidenckich vybaraŭ u 2021 hodzie, paśla čaho sastupić uładu «mienš supiarečlivamu ałavickamu kandydatu». Pa dadzienych Reuters, ideju adchileńnia dziejnaha prezidenta nie padtrymlivaje Iran.
Na jakija mienavita zony ŭpłyvu prapanujecca padzialić Siryju, ahienctva nie ŭdakładniaje. Paviedamlajecca tolki, što Turcyja choča atrymać kantrol nad pamiežnaj terytoryjaj na poŭnačy krainy, jakaja pa bolšaj častcy padkantrolnaja siryjskim kurdam, jakich Ankara razhladaje jak sajuźnikaŭ tureckaj zabaronienaj Rabočaj partyi Kurdystana (RPK).
«Kali «Isłamskaja dziaržava» budzie źniščana, Rasija moža akazać Turcyi padtrymku ŭ Siryi, z tym kab pakončyć z PPK», — zajaviŭ Reuters vysokapastaŭleny čynoŭnik urada Turcyi.
Metaj Irana, piša ahienctva, źjaŭlajecca zachavańnie naziemnaha kalidora dla pastavak zbroi šyickamu livanskamu ruchu «Chiezbała». Rasija raźličvaje, u pryvatnaści, šlacham siryjskaha ŭrehulavańnia paćvierdzić svoj status zvyšdziaržavy.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary