«Pryčyny pryznačeńnia Kačanavaj lažać na pavierchni», — napisaŭ kiraŭnik analityčnaha prajektu Belarus Security Blog Andrej Parotnikaŭ na staroncy ŭ fejsbuku.
«1. Absalutnaja łajalnaść, možna navat skazać vytančanaja biaźlitasnaść da vorahaŭ rejcha. Hatoŭnaść nakinucca na luboha niezadavolenaha samym pravilnym kursam. Pryhadajem, miakka kažučy, nieadnaznačnyja vykazvańni z nahody sacyjalnych inavacyj ad piensijnaha ŭzrostu da padatku na darmajedaŭ.
2. Absalutnaja nieambicyjnaść: partyja skazała «treba» — kamsamoł adkazaŭ «jość». Na miasakambinat — značyć, na miasakambinat. Na piaščany karjer — značyć, na karjer. Va ŭrad — značyć, va ŭrad. Hetaki słužaka ŭ spadnicy. Łukašenka takich lubić.
3. Pakul ničoha nie skrała. Prynamsi, na tych pasadach, dzie paśpieła papracavać.
4. Dyscyplinavanaść i starannaść u vykanańni luboj, navat samaj nieadnaznačnaj idei sami viedajecie kaho.
5. Adsutnaść kamandy abo «svaich» ludziej. Im prosta niama adkul uziacca: Kačanavu vyrvali ŭ vice-premjery dva hady tamu z pravincyi. A tut taki abjom funkcyj, što abraści suviaziami i abaviazalnictvami ŭ miežach hetych suviaziaŭ prosta fizična nie było času. Nahruzka na čalcoŭ urada vielmi vialikaja. Fizična vialikaja.
I nijakaha prateže siłavikoŭ abo kułuarnych intryh».
-
Navumčyk pra nastupstvy 2020 hoda: Trahiedyja nacyjanalnaha maštabu
-
«U kaho z mastakoŭ možna zakazać svoj partret, a nie kamień u šklanym kubie?»
-
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary65
Kamientary