Pa słovach novaha staršyni rady dyrektaraŭ «Hazpromu» Viktara Zubkova, asnoŭnaj zadačaj manapolii na bližejšy čas stanie ŭrehulavańnie pytańniaŭ tranzytu ź Biełaruśsiu i Ŭkrainaj.
«I kali ź Biełaruśsiu jość damova da 2011 hodu, to z Ukrainaj damova zakančvajecca, pa‑mojmu, 31 śniežnia 2008 hodu. Hetyja dźvie krainy — važnyja tranzyciory ŭ Eŭropu, tamu my budziem hladzieć, jakim čynam pamiž našymi subjektami haspadarańnia składvajucca adnosiny»,— pieradaje słovy Viktara Zubkova «Kommiersant'».
U svaju čarhu staršynia praŭleńnia manapolii Alaksiej Miler paabiacaŭ ustalavać canu na haz dla Ŭkrainy vyšej za $400.
Nahadajem, što pavodle raźlikaŭ ekspertaŭ «Hazpromu» siaredniaja ekspartnaja cana rasiejskaha hazu dla eŭrapiejskich spažyŭcoŭ užo ŭ 2008 h. składzie $401‑402 za tys. kubametraŭ. Rasiejskija palitolahi vykazalisia, što nadzvyčaj vyhadnaja kańjunktura dazvolić Rasiei dyktavać svaje ŭmovy svaim susiedziam.
Kamientary