Na kožnym z samalotaŭ Norwegian — vyjava histaryčnaj asoby Narviehii. Čamu b takoje nie zrabić «Biełavija»?
Što my viedajem pra Narviehiju? Nie nadta šmat, heta fakt. Nu, viadoma ž, viedajem niešta pra fijordy, pra Osła, abo pra toje, što ich znakamity bijatłanist Ole-Ejnar Bjorndalen pabraŭsia šlubam z našaj zorkaj bijatłonu Darjaj Domračavaj.
Chutčej za ŭsio, jany viedajuć pra Biełaruś, ci jak jany jaje zavuć Hviterussland, jašče mienš. Samaloty z Minsku u Osła nie lotajuć, ich ambasady ŭ Minsku niama, jak niama i našaje ambasady ŭ Osła. Ale hetaja maleńkaja kraina hanarycca svajoj historyjaj i imkniecca da taho, kab pra Narviehiju daviedałasia jak maha bolš ludziej. Ich historyja vandruje pa ŭsim śviecie, dziakujučy namahańniam narviežskaj avijakampanii Norwegian.
Na kožnym z ich samalotaŭ -- vyjava ci to vybitnaha narviežskaha paeta, ci to słavutaha palityčnaha dziejača. Zmahary za svabodu, hieroi narviežskaha ruchu supracivu času Druhoj suśvietnaj vajny, falkłarysty i navukoŭcy… Usie jany vandrujuć pa śviecie razam z Norwegian.
A zaraz adkažycie, ci ž možacie vy ŭjavić samalot «Biełavija», na jakim vyjava Vasila Bykava, Tomaša Zana abo Jakuba Kołasa?! Ech, pra heta možna tolki maryć, na vialiki žal…
…lacieła z Vilni ŭ samalocie Norwegian, i tak kryŭdna zrabiłasia za rodnuju Biełaruś…
-
Režym Łukašenki časova stanie mienš ahresiŭnym da susiedziaŭ, ale stratehična budzie imknucca da avałodańnia atamnaj zbrojaj
-
«Znajšli krajniaha», a «pastaviać sałdafona jakoha-niebudź». U sacsietkach adreahavali na zvalnieńnie kiraŭnika «Minsktransa»
-
Cyhankoŭ: Nie padazravaŭ, što Babaryka źjaŭlajecca prychilnikam sacyjalizmu — mary siaredniaha čałavieka
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»16
Kamientary