Pastaŭskim rajonnym adździełam Śledčaha kamiteta vyśviatlajucca abstaviny DTZ, jakoje adbyłosia 6 listapada kala 12:15 na 130 km darohi Połack — Hłybokaje — miaža Litvy. U ciapierašni čas na miescy zdareńnia pracuje śledča-apieratyŭnaja hrupa Pastaŭskaha RASK i SU USK pa Viciebskaj vobłaści, paviedamiła ŭ svaim fejsbuku aficyjny pradstaŭnik SK pa Viciebskaj vobłaści Śviatłana Sacharava.
Śledčymi pravodzicca ahlad miesca zdareńnia, padčas jakoha ŭstanoŭlena, što niedaloka ad vioski Łukašova Pastaŭskaha rajona Viciebskaj vobłaści aŭtamabil «Reno Łahuna», ruchajučysia ŭ bok Pastavaŭ, ździejśniŭ manieŭr dla abhonu, adnak u vyniku niekantralujemaha zanosu sutyknuŭsia z aŭtamabilem «Ivieka», jaki ruchaŭsia ŭ sustrečnym napramku.
U vyniku darožna-transpartnaha zdareńnia kiroŭca aŭtamabila «Reno» 22-hadovy mužčyna i pasažyry - 17-hadovaja siastra i 43-hadovaja maci (žycharka h. Dokšycy) ad atrymanych cialesnych paškodžańniaŭ pamierli na miescy zdareńnia. Brat i siastra źjaŭlalisia studentami VNU h. Połacka.
Pa fakcie darožna-transpartnaha zdareńnia śledčymi zaviedziena kryminalnaja sprava pa č.3 art. 317 (parušeńnie praviłaŭ darožnaha ruchu abo ekspłuatacyi transpartnych srodkaŭ, što paciahnuła pa nieaściarožnaści śmierć dźviuch i bolš asob) Kryminalnaha kodeksa Respubliki Biełaruś.
Śledčyja źviartajucca da vidavočcaŭ, jakija stali śviedkami DTZ, a taksama da tych, chto vałodaje jakimi-niebudź źviestkami ź miesca zdareńnia, z prośbaj źviarnucca ŭ Pastaŭski RASK abo ŭ USK pa Viciebskaj vobłaści abo patelefanavać 8 029 5962148, 8 033 3998044, 8 0212 48 66 37.
Śledčyja źviartajucca da ŭdzielnikaŭ darožnaha ruchu ŭ suviazi z paharšeńniem umoŭ nadvorja być uvažlivymi na darozie, pry ździajśnieńni manieŭraŭ zachoŭvać chutkasny režym i praviły darožnaha ruchu.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma12
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1919
Kamientary