Palčys (Džon Silvier) vyzvaleny — chatniaja chimija na dva miesiacy ANŁAJN
U Minskim haradskim sudzie siońnia abvieščany prysud błohieru Eduardu Palčysu. Jon byŭ viadomy pad psieŭdanimam Džon Silvier i stvaryŭ sajt 1863x.com.
Na abviaščeńnie prysudu pryjšło bolš za 100 čałaviek, u tym liku Źmicier Daškievič, Pavieł Sieviaryniec, Pavieł Juchnievič, Anton Matolka, Ihar Łosik, Jaŭhien Afnahiel.
Eduard znachodziŭsia ŭ žaleznaj kletcy i ŭ kajdankach.
Prakuror patrabavaŭ asudzić Palčysa na 3,5 hoda źniavoleńnia.
Sudździa prysudziŭ jaho da abmiežavańnia svabody da 1 hoda 9 miesiacaŭ. Ale ŭ jahonym vypadku dzień u SIZA ličycca za dva, tamu zastajecca kala dvuch miesiacaŭ «chatniaj chimii». Palčysa vyzvalili ŭ zale suda.
Zała hukaje «Žyvie Biełaruś!», niechta razharnuŭ bieł-čyrvona-bieły ściah.
Voś jak heta vyhladała na videa:
Eduarda Palčysa sudzili za jahonyja publikacyi: u dzieviaci ź ich sud znajšoŭ «ekstremizm», a ŭ adnoj — «raspaŭsiud parnahrafii».
Sud pačaŭsia 14 kastryčnika i prachodziŭ u zakrytym režymie.
Kryminalnuju spravu na Palčysa zaviali jašče ŭ 2015 hodzie. Uvosień taho hoda jon vyjechaŭ va Ukrainu, ale zatym, pa słovach žonki, vyrašyŭ viarnucca ŭ Biełaruś. Jon mierkavaŭ, što jaho mohuć zatrymać na ŭkrainska-biełaruskaj miažy, a tamu pajechaŭ praz Rasiju, dzie i byŭ zatrymany
23 studzienia 2016 hoda Palčysa źmiaścili ŭ SIZA Branskaj vobłaści ŭ Rasii. U červieni jaho ekstradziravali ŭ Biełaruś.
Pravaabaroncy ličać kryminalnuju spravu błohiera palityčnaj.
Tak supała, što Palčysu siońnia spaŭniajecca 26 hadoŭ.
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary