Palitołah Karbalevič u efiry ANT: Pryśpieŭ čas abvieścić B-Č-B ściah nacyjanalnym. Dziermant: Heta zdradniki
Pieradača «Sprava pryncypu» na telekanale ANT 24 kastryčnika była pryśviečanaja temie nacyjanalnaj idei. Ci patrebnaja jana Biełarusi? U čym jana zaklučajecca? I dzie jaje šukać?
Siarod haściej pieradačy byli staršynia Tavarystva biełaruskaj movy Aleh Trusaŭ i palitołah Valeryj Karbalevič.
«Ja dumaju, što pryśpieŭ čas, kali dziela ahulnanacyjanalnaha prymireńnia treba bieł-čyrvona-bieły ściah abviaścić nacyjanalnym», — skazaŭ Karbalevič.
A što rabić ź dziaržaŭnym ściaham, spytaŭsia viadučy Vadzim Hihin.
«Dva ściahi — dziaržaŭny i nacyjanalny», — adkazaŭ Karbalevič.
Amal adrazu słova ŭziaŭ Aleh Trusaŭ. Jon ličyć, što ź bieł-čyrvona-biełym ściaham treba zrabić jak z Pahoniaj — abvieścić jaje historyka-kulturnaj kaštoŭnaściu. «Tym bolš, što našamu bieł-čyrvona-biełamu ściahu naleta budzie 100 hadoŭ», — ličyć Trusaŭ.
«Zaŭsiody byli niejkija akupacyjnyja režymy na terytoryi Biełarusi i byli kałabaranty, jakija supracoŭničali ź inšaziemnymi śpiecsłužbami i armijami. Dla mianie heta ściah zdradnikaŭ. Chto jaho vykarystoŭvaŭ u ZŠA paśla vajny? Tyja, chto pracavaŭ na CRU. Heta ž praŭda», — skazaŭ fiłosaf Alaksiej Dziermant.
«A Ułasaŭ pad jakim ściaham vajavaŭ?» — remarka ad Aleha Trusava.
«Heta ŭžo rasijskaja dyskusija», — adkazaŭ Dziermant.
Taksama hościem u studyi byŭ historyk, adzin ź lidaraŭ zachodnierusisckaha ruchu ŭ Biełarusi Leŭ Kryštapovič.
Jon skazaŭ: «Nijakaha raskołu siarod narodu nie isnuje, jon isnuje siarod intelihiencyi. Naša intelihiencyja nieadnarodnaja ŭ jakim sensie? Jość intelihiencyja biełaruskaja i jakaja padstrojvajecca pad biełaruskuju. Ja jaje jašče nazavu ŭmoŭna «polska-šlachieckaja». Hetyja dźvie hrupy i zmahajucca miž saboj. I častka polska-šlachieckaj intelihiencyi naviazvaje nam bieł-čyrvona-bieły ściah. A navošta naviazvaje? Nie dla taho, kab zrabić historyka-kulturnaj kaštoŭnaściu, a kab padmianić našu ŭłasnuju biełaruskuju historyju čužoj».
Piśmieńnik Hieorhij Marčuk padtrymaŭ Aleha Trusava, što bieł-čyrvona-biełamu ściahu sapraŭdy pryśpieŭ čas nadać status historyka-kulturnaj kaštoŭnaści. «Niachaj ściah žyvie, kali jon byŭ u historyi. My ž nie možam pierakreślić historyju», — skazaŭ pradstaŭnik uładnaha Sajuza piśmieńnikaŭ.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami6
Kamientary