U niadzielu ŭ Litvie projduć parłamienckija vybary, a siońnia pačałosia daterminovaje hałasavańnie. Prahałasavać raniej vyrašyła i prezident Dala Hrybaŭskajcie.
«Oj, ja za pieramieny», — skazała prezident, adkazvajučy na pytańnie, za što jana hałasavała - za pieramieny, abo stabilnaść. Takija pytańnie i adkaz zvyčajna pakazvajuć, kaho padtrymlivaje surazmoŭca — ciapierašniuju ŭładu, abo apazicyju.
Pa słovach, D. Hrybaŭskajcie, pieramieny prosta nieabchodnyja. Prahałasavać papiarednie prezident vyrašyła śpiecyjalna, kab pakazać hramadstvu, što hałasuje i što joj nie ŭsio roŭna, jakoj budzie Litva.
Na pytańnie ab tym, što jana skazała b ludziam, jakija skardziacca na toje, što niama za kaho hałasavać, Hrybaŭskajcie adkazała: «Ja b im skazała, što treba hałasavać za Litvu. A Litva zaŭsiody jość».
Kali prezidenta paprasili rastłumačyć, što jana čakaje ad novaha Siejma, Hrybaŭskajcie skazała, što paličyła za lepšaje b, kab novy ŭrad dumaŭ pra Litvu i jaje narod, a nie pra ŭłasnyja kišeni: «I kab mienš krali».
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert1
Kamientary