У нядзелю ў Літве пройдуць парламенцкія выбары, а сёння пачалося датэрміновае галасаванне. Прагаласаваць раней вырашыла і прэзідэнт Даля Грыбаўскайце.
«Ой, я за перамены», — сказала прэзідэнт, адказваючы на пытанне, за што яна галасавала - за перамены, або стабільнасць. Такія пытанне і адказ звычайна паказваюць, каго падтрымлівае суразмоўца — цяперашнюю ўладу, або апазіцыю.
Па словах, Д. Грыбаўскайце, перамены проста неабходныя. Прагаласаваць папярэдне прэзідэнт вырашыла спецыяльна, каб паказаць грамадству, што галасуе і што ёй не ўсё роўна, якой будзе Літва.
На пытанне аб тым, што яна сказала б людзям, якія скардзяцца на тое, што няма за каго галасаваць, Грыбаўскайце адказала: «Я б ім сказала, што трэба галасаваць за Літву. А Літва заўсёды ёсць».
Калі прэзідэнта папрасілі растлумачыць, што яна чакае ад новага Сейма, Грыбаўскайце сказала, што палічыла за лепшае б, каб новы ўрад думаў пра Літву і яе народ, а не пра ўласныя кішэні: «І каб менш кралі».
Цяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»4
Каментары