Miesiačnik pa ŭborcy, dobraŭparadkavańni i azielanieńni terytoryj horada adbudziecca ŭ Minsku z 1 pa 31 kastryčnika. Pra heta paviedamiła vykonvajučaja abaviazki načalnika ŭpraŭleńnia haradskoha haspadarki i enierhietyki Minharvykankama — načalnik adździeła haradskoj haspadarki Maryna Małajeva.
Takaja pracoŭnaja akcyja tradycyjna arhanizujecca vosieńniu, kab padrychtavać abjekty haradskoj haspadarki da zimovaha pieryjadu. U pryvatnaści, nieabchodna zaviaršyć ramont daroh, kompleksnaje dobraŭparadkavańnie dvarovych terytoryj, dobraŭparadkavańnie i azielanieńnie stalicy. Napiaredadni chaładoŭ vialikuju ŭvahu nadaduć uciapleńniu budynkaŭ i zbudavańniaŭ, škleńniu leśvičnych kletak.
Navinkaj ciapierašniaj kampanii pa naviadzieńni paradku ŭ horadzie stanie pasadka alej: u kožnym rajonie stalicy takim čynam źjavicca pa 4-5 tematyčnych alej — kachańnia, maładych, šmatdzietnych siemjaŭ, dobrych ludziej i inš. U cełym, pavodle słoŭ surazmoŭcy, da kanca biahučaha hoda ŭ Minsku vysadziać kala 10 tysiač sadžancaŭ dreŭ. Pry hetym asnoŭny abjom pasadak vykanajuć padčas miesiačnika, u tym liku adnoviać razburanyja letnim urahanam zialonyja nasadžeńni.
«Haradskija słužby spadziajucca i raźličvajuć na aktyŭnuju padtrymku minčukoŭ — kožny žychar moža dałučycca da pasadki dreŭ i kustoŭ, navieści paradak u padjeździe i dvary. Infarmacyja pra daty i čas praviadzieńnia subotnikaŭ budzie raźmiaščacca na sajtach administracyj rajonaŭ horada i stendach kala padjezdaŭ», — skazała Maryna Małajeva.
Kaardynavać pracu buduć haradskaja i rajonnyja kamisii pa praviadzieńni miesiačnika.
Ciapier čytajuć
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii31
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3636
Kamientary