U Kramli nazvali nieabvieržnymi dadzienymi z rasijskich radyjołakacyjnych sistem ab tym, što rakietu, jakaja mahła stać pryčynaj krušeńnia małazijski «Boinha», vypuścili ź niepadkantrolnaj sieparatystami terytoryi.
«Isnujuć nieabvieržnyja fakty. U dadzienym vypadku važna rabić vysnovy, uličvajučy apošniuju infarmacyju, jakaja była apublikavanaja, a mienavita pieršasnyja dadzienyja radaraŭ, jakija fiksavali ŭsio latalnyja abjekty, jakija mahli b startavać abo znachodzicca ŭ pavietry na terytoryi, kantralavanaj apałčencami», — skazaŭ pres-sakratar prezidenta Rasii Dźmitryj Piaskoŭ.
Piaskoŭ nazvaŭ dadzienyja adnaznačnymi i padkreśliŭ, što na ich niama jakich-niebudź rakiet. Kali b rakieta była, adznačyŭ pres-sakratar prezidenta, to jana mahła b być zapuščana tolki z «inšaj terytoryi». «Ja ŭ dadzienym vypadku nie śćviardžaju, ź jakoj. Heta sprava śpiecyjalistaŭ », - dadaŭ jon.
Pres-sakratar prezidenta nahadaŭ, što Rasija pradstaviła ŭsiu «vyčarpalnuju infarmacyju, jakaja była ŭ jaje na rukach».
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha16
Kamientary