«Anarchiju ŭ siecivie» buduć spyniać padzakonnymi aktami
Rehulavańnie internetu addajuć u kampetencyju Saŭminu. Heta jašče horšy varyjant, bo rehlamentacyja internetu padzakonnymi aktami ŭradu, u strukturu jakoha ŭvachodzić i KDB, i MUS, daje dadatkovuju hlebu dla čynoŭnickaha samavolstva. Piša ŭ svaim błohu Alaksandar Kłaskoŭski.
Narešcie ŭ BAŽ trapiŭ tekst zakonaprajektu ab ŚMI. Z adnaho boku, pra internet tam havorycca zusim niašmat i nibyta ŭskosna. Ź inšaha boku, zaściarohi niezaležnaj medyjnaj supolnaści paćviardžajucca.
Pavodle zakonaprajektu, rehlamentacyjaj Sieciva zojmiecca Saŭmin. "Paradak dziaržaŭnaj rehistracyi srodkaŭ masavaj infarmacyi, što raspaŭsiudžvajucca cieraz hlabalnaje kamputarnaje sieciva Internet, vyznačajecca Savietam Ministraŭ Respubliki Biełaruś", — zaznačajecca ŭ artykule 11. A ŭ artykule 17 havorycca, što ŭrad budzie vyznačać jašče i "paradak raspaŭsiudu" pradukcyi ŚMI cieraź sieciva.
Sa słoŭ kiraŭnika Centru pravavoj dapamohi ŚMI Michaiła Pastuchova, rehlamentacyja internetu padzakonnymi aktami — heta jašče horšy varyjant, bo daje dadatkovuju hlebu dla čynoŭnickaha samavolstva. Sp. Pastuchoŭ źviartaje ŭvahu i jašče na šerah pastak, prychavanych u prajekcie. U pryvatnaści, praduhledžvajucca bolej žorstkija patrabavańni što da krynic finansavańnia medyjaŭ, akredytacyi žurnalistaŭ, adkaznaści vydaŭcoŭ. Voś tut niekatoryja momanty prajektu ŭ pierakazie BiełaPANu.
Siońnia BAŽ ładzić presavuju kanferencyju, na jakoj eksperty zrobiać detalovy analiz dakumentu, što vialikimi vysiłkami ŭdałosia narešcie zdabyć u instancyjach. Heta, adnak, zusim nie harantuje, što krytyka z boku medyjnaj supolnaści budzie ŭličana inicyjatarami navelaŭ. Paśpiešlivaść, ź jakoj prajekt prakručvajuć cieraz parlament, navodzić na tryvožnyja pradčuvańni.
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii11
Kamientary