Na adzinaccaty dzień rozyhryšu miedaloŭ na Alimpijadzie Ukraina narešcie dačakałasia zołata.
Padniacca na pieršuju prystupku pjedestała atrymałasia himnastu Alehu Viarniajevu.
Jamu nie było roŭnych u aŭtorak, 16-ha žniŭnia, u praktykavańniach na paralelnych brusach.
Heta ŭžo druhi miedal Aleha ŭ Rya. Da hetaha jon staŭ siarebranym pryzioram u absalutnym pieršynstvie.
Na hety vid indyvidualnych spabornictvaŭ ŭskładalisia ci nie najbolšyja nadziei, bo Viarniajeŭ u mnahaborji za vystup u hetaj dyscyplinie atrymaŭ 16.100 bałaŭ. Jon staŭ adzinym, kamu ŭdałosia pieraadoleć adznaku ŭ «16 cełych» za ŭdałaje praktykavańnie.
Nie staŭ vyklučeńniem i hety vystup. Ukrainiec dapuściŭ niekalki niaznačnych pamyłak i ŭ vyniku atrymaŭ 16.041 bałaŭ. U jaho kankurentaŭ nie atrymałasia nabrać 16.0.
Na cyrymonii ŭznaharodžańnia Aleh vyhladaŭ vielmi radasnym. Pavitaŭsia i abniaŭsia jak z ruskim Davidam Bialaŭskim, jaki staŭ trecim, tak i z amierykancam Danielem Lejvam, na rachunku jakoha srebra.
Atrymaŭ svoj pieršy załaty alimpijski miedal Viarniajeŭ z ruk prezidenta Nacyjanalnaha alimpijskaha kamiteta Ukrainy Siarhieja Bubki.
Paśla čaho narešcie ŭ Rya-de-Žaniejra prahučaŭ i himn Ukrainy.
Piać dzion tamu Viarniajeŭ admoviŭsia razmaŭlać z rasijskimi ŚMI.
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert1
Kamientary