Nabližajecca da zaviaršeńnia budaŭnictva vajennaha haradka vajskovaj čaści 7434 unutranych vojskaŭ MUS Biełarusi, jakaja budzie achoŭvać Biełaruskuju AES, paviedamlaje hazieta «Na stražie». Vosieńniu hetaha hoda «vajskoŭcy pryjeduć u čaść, abstalavanuju pieradavym uzbrajeńniem i technikaj», ź infrastrukturaj miastečka nie zmohuć kankuryravać navat staličnyja bryhady UV — v/č 3214 i 5448.
Ab stvareńni materyjalna-techničnaj bazy bataljona paviedamiŭ jaho kamandzir padpałkoŭnik Viktar Žadobin (syn byłoha ministra abarony Juryja Žadobina).
«Farmujecca asobny ŭzvod śpiecyjalnaha pryznačeńnia. Hrupa budzie kruhłasutačna dziažuryć na kantrolna-prapusknym punkcie z raźmieščanaj niepadalok bronietechnikaj, kab u lubuju chvilinu adbić napad, naprykład, dyviersantaŭ abo terarystaŭ», — piša hazieta.
Paviedamlajecca, što biaśpieka AES uklučaje niekalki uzroŭniaŭ abarony. Na adnym ź ich vajskoŭcy v/č 7434 z dapamohaj techničnych srodkaŭ i bijamietryčnaha abstalavańnia buduć identyfikavać supracoŭnikaŭ stancyi, «jak miarkujecca, pa siatčatcy voka i adbitkach palcaŭ, masie cieła i kamplekcyi, a taksama praviarać dakumienty, spyniać pranos zabaronienych pradmietaŭ».
U 16 valjerach chutka pasielacca achoŭnyja i vyšukovyja sabaki. U kinałahičnym haradku jość pamiaškańni dla padrychtoŭki śpiecyjalistaŭ-kinołahaŭ, abjekty dla absłuhoŭvańnia i dresiroŭki čatyrochnohich bajcoŭ. Ich pryviazuć z kinałahičnaha centra ŭnutranych vojskaŭ u Mahilovie.
Z-za asablivaściaŭ vykanańnia zadač pa achovie AES štatnyja voinskija zvańni ŭviedzienych pasad u bataljonie buduć na prystupku vyšej u paraŭnańni z anałahičnymi pasadami ŭ inšych čaściach. Pa bolš vysokim razradzie budzie raźličvacca i hrašovaje zabieśpiačeńnie vajennasłužačych.
Nahadajem, całkam farmavańnie čaści pavinna zaviaršycca ŭ vieraśni 2017 hoda.
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha3
Kamientary