Zaklučyć dahavor strachavańnia dla vyjezdu za miažu ŭ Biełarusi ciapier možna anłajn
Zaklučyć dahavor strachavańnia dla vyjezdu za miažu ŭ Biełarusi ciapier možna anłajn, paviedamiŭ u čas anłajn-kanfierencyi na sajcie BiełTA namieśnik hienieralnaha dyrektara ZAST «Pramtransinviest» Siarhiej Andryjevič.
«Ciapier tolki «Pramtransinviest» zabiaśpiečvaje poŭny cykł kupli strachavych polisaŭ anłajn. Zaklučyć dahavor strachavańnia nieskładana: treba zajści na sajt www.pti.bieł, prajści davoli prostuju, ale ŭ toj ža čas nadziejnuju praceduru rehistracyi, a dalej užo ŭ svaim tak zvanym kabiniecie klijenta, dziejničajučy ŭ adpaviednaści ź instrukcyjaj, zaklučyć dahavor», — rastłumačyŭ jon.
Siarhiej Andryjevič nahadaŭ, što pakul kampanija pradastaŭlaje mahčymaść rehistracyi ŭ internecie tolki polisaŭ dla vyjezdu za miažu. «Vizavy kodeks nie rehłamientuje, u jakoj formie pavinien być składzieny dahavor miedycynskaha strachavańnia. Tamu dla padačy dakumientaŭ u pasolstva abo vizavy centr nieabchodna razdrukavać dahavor i paviedamleńnie ab zaklučeńni dahavora, jakija prymacavany da elektronnaha piśma. Chaču adznačyć, što nikomu z klijentaŭ, jakija zaklučyli polisy anłajn i padavali dakumienty dla atrymańnia viz, nakolki nam viadoma, nie admovili ŭ pryjomie takoj formy strachoŭki», — raskazaŭ jon.
«Pasłuha afarmleńnia polisa anłajn absalutna biaspłatnaja. Pry hetym my pradastaŭlajem skidku ŭ pamiery 25 pracentaŭ našym klijentam, jakija zaklučać dahavor strachavańnia dla vyjezdu za miažu praź internet», — dadaŭ namieśnik hiendyrektara.
Ciapier apłacić strachavy polis možna praz ARIP. «U bližejšaj budučyni my pačniom pracavać i z płaciežnaj sistemaj Jerau, jakaja nie patrabuje najaŭnaści «asabistaha kabinieta» ŭ adnym z bankaŭ», - rastłumačyŭ Siarhiej Andryjevič.
Jon adznačyŭ, što ŭ internecie dahavor strachavańnia zaklučaje kožny treci žychar Hiermanii i amal kožny čaćviorty — u Vialikabrytanii. U siarednim pa Jeŭropie pasłuhami anłajn-strachavańnia karystajucca kala 40 pracentaŭ nasielnictva.
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha16
Kamientary