Rasijskaja raźviedka pradastaviła Ankary pierachoplenyja źviestki pra padrychtoŭku vajskovaha pieravarotu, paviedamiła iranskaje ahienctva Fars sa spasyłkaj na arabskija ŚMI.
U liku pieradadzienych dadzienych nibyta byli źviestki pra nabližeńnie viertalotaŭ da hatela, dzie znachodziŭsia Erdahan.
Rasijskaja armija papiaredziła tureckuju Nacyjanalnuju vyviedvalnuju arhanizacyju pra padrychtoŭku vajskovaha pieravarotu. Pra heta piša iranskaje ahienctva Fars sa spasyłkaj na nienazvanyja arabskija ŚMI, jakija, u svaju čarhu, cytujuć dypłamatyčnyja krynicy ŭ Ankary.
Pa słovach dypłamataŭ, pradstaŭniki rasijskaj armii pierachapili kadavanyja radyjohramy i asabliva važnyja źviestki, jakimi abmieńvalisia vajskoŭcy. Jany śviedčyli pra padrychtoŭku dziaržaŭnaha pieravarotu.
Krynicy adznačyli, što ŭ liku pierachoplenych apynulisia źviestki pra toje, što niekalki viertalotaŭ nakiroŭvajucca da hatela ŭ Marmarysie, dzie Erdahan znachodziŭsia pierad pačatkam pieravarotu. Raniej Al Jazeera paviedamlała, što prezident Turcyi paśpieŭ pakinuć hatel za paŭhadziny da taho, jak tudy prybyli putčysty, jakija źbiralisia aryštavać ci zabić jaho.
Surazmoŭcy vydańnia nie zmahli skazać, jakoj rasijskaj stancyi ŭdałosia pierachapić abmien dadzienymi. Pry hetym dypłamaty ŭdakładnili, što vyviedvalnaje padraździaleńnie rasijskaj armii razhornuta na siryjskaj bazie Chmiejmim, dzie znachodzicca avijacyja, jakaja biare ŭdzieł u apieracyi suprać isłamistaŭ. Jak adznačyli krynicy, padraździaleńnie abstalavanaje sučasnymi sistemami pierachopu asabliva važnych dadzienych.
U Turcyi pravaliłasia sproba vajskovaha pieravarotu
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary