Pra heta paviedamiła staršy opierupaŭnavažany pa asabliva važnych spravach Hałoŭnaha ŭpraŭleńnia pa baraćbie z ekanamičnymi złačynstvami kryminalnaj milicyi Ministerstva ŭnutranych spraŭ Biełarusi Vieranika Paśmiećjeva.
Da pravaachoŭnikaŭ źviarnułasia pradaviec adnoj z kramaŭ horada Hłybokaje. Jana paviedamiła, što adzin z pakupnikoŭ raźličyŭsia ź joj za pradukty hrašovaj kupiuraj uzoru 2009 hoda naminałam Br20, jakaja vyklikała ŭ žančyny sumnieŭ u sapraŭdnaści banknoty.
Milicyja vyśvietliła, što falšyŭkaj naŭmysna zapłaciŭ za pradukty 48-hadovy miascovy žychar.
Padčas dalejšaha razhladu vyśvietliłasia, što padroblenuju kupiuru mužčynu pieradaŭ 46-hadovy biespracoŭny znajomy, na rachunku jakoha nie adna sudzimaść.
Pryjacieli ŭsialak sprabavali schavać, jak da ich trapiła falšyŭka, ale apieratyŭnyja supracoŭniki vyśvietlili, što niesapraŭdnuju banknotu im pieradaŭ miascovy 31-hadovy biznesoviec, jaki zajmajecca vyrabam rekłamnaj pradukcyi.
Pradprymalnik na pracoŭnym miescy adskanavaŭ sapraŭdnuju kupiuru i razdrukavaŭ atrymanuju karcinku na zvyčajnym pryntary.
Ciapier u dačynieńni da zbytčykaŭ padroblenaj banknoty ŭzbudzili kryminalnuju spravu. Pravodzicca dalejšaje rasśledavańnie.
Ad pačatku hoda pravaachoŭniki vyjavili 432 złačynstvy, źviazanyja z vyrabam, zachoŭvańniem albo zbytam padroblenych hrošaj i kaštoŭnych papier.
U apošnija hady ŭ Biełarusi bolš padrablajuć zamiežnuju valutu, čym nacyjanalnuju. Najčaściej — dalary ZŠA, jeŭra i rasijskija rubli. Tolki ŭ adzinkavych vypadkach heta byli biełaruskija rubli.
Kamientary