Napiaredadni samitu kiraŭnikoŭ uradaŭ SND u Miensku «krynica ŭ rasiejskim uradzie» raspaŭsiudziła infarmacyju, što Rasieja hatovaja abmierkavać novy lhotny kredyt dla Biełarusi na apłatu hazu, ale ŭzamien prapanuje padzialicca z rasiejskimi investarami čarhovaj porcyjaj pryvabnych aktyvaŭ, na hety raz — pradpryjemstvami mašynabudavańnia. U farmuloŭcy rasiejskaha ŭradu, «Biełaruś zdoleła b pieraadoleć nehatyŭnyja nastupstvy rostu cenaŭ, kali b pašyryła supracu z RF va ŭsich sferach».
Napiaredadni samitu kiraŭnikoŭ uradaŭ SND u Miensku «krynica ŭ rasiejskim uradzie» raspaŭsiudziła infarmacyju, što Rasieja hatovaja abmierkavać novy lhotny kredyt dla Biełarusi na apłatu hazu, ale ŭzamien prapanuje padzialicca z rasiejskimi investarami čarhovaj porcyjaj pryvabnych aktyvaŭ, na hety raz — pradpryjemstvami mašynabudavańnia. U farmuloŭcy rasiejskaha ŭradu, «Biełaruś zdoleła b pieraadoleć nehatyŭnyja nastupstvy rostu cenaŭ, kali b pašyryła supracu z RF va ŭsich sferach».
23 maja ŭ Miensku ŭ pamiaškańni Nacyjanalnaj biblijateki adbyvajecca pasiadžeńnie Rady kraŭnikoŭ uradaŭ dziaržavaŭ SND.
Na jaho prybyli delehacyi Kazachstanu, Tadžykistanu, Azerbajdžanu, Armienii, Kyrhyzstanu, Małdovy, Rasii, Ukrainy, Uzbekistanu, Hruzii i Turkmienii.
Samit stanie nahodaj dla pieršych vizytaŭ Julii Cimašenki i Ŭładzimiera Pucina ŭ Miensk u ranhu premjer-ministraŭ.
Zaplanavanyja dvuchbakovyja pieramovy Ju. Cimašenki z premjeram Biełarusi Siarhiejem Sidorskim. Sidorski sustreniecca i z kiraŭnicaj małdaŭskaha ŭradu Zinaidaj Hračanaj.
Što da novaha-staroha pradstaŭnika Rasiei, to Ŭładzimier Pucin dziejničaje ŭ svaim amplua. Napiaredadni samitu «krynica ŭ rasiejskim uradzie» raspaŭsiudziła praź infarmacyjnyja ahienctvy infarmacyju, što Rasieja hatovaja abmierkavać novy lhotny kredyt dla Biełarusi na apłatu hazu, što ŭsio daražeje, ale dla kampensacyi nastupstvaŭ rostu cenaŭ prapanuje «sajuźnicy» padzialicca z rasiejskimi «investarami» čarhovaj porcyjaj pryvabnych aktyvaŭ, na hety raz — pradpryjemstvami mašynabudavańnia. U tym samym styli «krynica ŭ Administracyi prezydenta Rasiei» źlivała patrabavańnia Kramla ŭ časy, kali tam siadzieŭ Pucin.
Maskva hatovaja «abmiarkoŭvać canu hazu ź Mienskam», — paviedamiła krynica ŭ rasiejskim uradzie, — ale zychodziačy pry hetym ź «niaźmiennaści cenaŭ, praduhledžanych kantraktami… z formułami cenaŭ».
Što ž musić adbycca, kab formuły cenaŭ dali nizkuju kančatkovuju ličbu? Rasiejski ŭrad tłumačyć: «Rasieja ciapier vystupaje ŭ hetkaj nibyta padvojnaj roli: z adnaho boku, finansava spryjaje Biełarusi, doŭhi čas ilhotnymi cenami i kredytami i hetak dalej, ale ź inšaha boku, struktura handlu takaja, što my, pa sutnaści, syravinny prydatak Respubliki Biełarusi». Tamu «stupień vyraŭnoŭvańnia handlovaha dysbalansu budzie kryteram, zychodziačy ź jakoha RF vyrašyć, ci dać jašče adzin «biesprecedentny kredyt» Biełarusi — kali taja paprosić», — tłumačyć chod dumki ŭradu Pucina ahienctva Rojterz.
«Biełaruś moža hetaje pytańnie pastavić, heta jaje prava, ale padrychtoŭka rašeńnia ab kredycie — sprava vielmi surjoznaja… Nam važna, kab kredyt… spryjaŭ našaj ekanamičnaj intehracyi… Nam važna, kab hetyja kredyty išli na mety refarmavańnia struktury našaha zamiežnaekanamičnaha abjomu».
U dalikatnaj farmuloŭcy rasiejskaha ŭradu, «Biełaruś zdoleła b pieraadoleć nehatyŭnyja nastupstvy rostu cenaŭ, kali b pašyryła supracu z RF va ŭsich sferach».
«Jość intaresy ŭ rasiejskich kampanijaŭ da pracy na biełaruskim rynku», — skazała čynoŭnica. «Hetak, voźmiem hruzaviki i sielhasmašynabudavańnie: i ŭ Rasiei, i ŭ Biełarusi dobryja hihanty ŭ hetaj vobłaści, i my paasobku ciapier byccam by vychodzim na suśvietny rynak… Kali my svaje vysiłki tam abjadnajem, u nas jość dobry šaniec stać vielmi surjoznym hulcom na suśvietnym rynku».
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii11
Kamientary