Adzin z samych šanavanych sučasnych paetaŭ i prazaikaŭ Francyi Iŭ Banfua pamior va ŭzroście 93 hadoŭ.
Napisanyja im bolš za sto knih pierakładzienyja na 30 moŭ.
Banfua i sam byŭ viadomy jak vydatny pierakładčyk — jon pierakłaŭ na francuzskuju movu niekalki pjes Uiljama Šekśpira, vieršy Uiljama Jejtsa, Džona Dona, Pietrarki.
Jon taksama pierakłaŭ na francuzskuju tvory svajho siabra, hrečaskaha paeta Jorhasa Siefierysa.
Svoj pieršy paetyčny zbornik Banfua apublikavaŭ u 1946 hodzie, ale šyrokuju viadomaść jon zdabyŭ tolki praź siem hadoŭ, kali vyjšła jaho treciaja kniha.
Razam ź litaraturnym talentam u Banfua byŭ i mastacki — niekalki jaho knih pryśviečanyja historyi mastactva, jon pisaŭ vodhuki na pracy takich viadomych majstroŭ pendźla, jak Pabła Pikasa, Albierta Džakamieci i Pit Mandryjan.
Iŭ Banfua uznačalvaŭ kafiedru paraŭnalnaj paetyki ŭ prestyžnym Kalež de Frans u Paryžy, a taksama vykładaŭ u niekalkich amierykanskich univiersitetach.
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary