Sinoptyki prahnazavali ŭ piatnicu navalnicy i škvalisty viecier na bolšaj terytoryi Biełarusi. Prahnoz apraŭdaŭsia na ŭsie 100%. U MNS pastupajuć šmatlikija paviedamleńni ab pavalenych drevach i abiastočanych nasielenych punktach. Navalničny front ruchajecca ŭ bok Minskaj vobłaści.
Jak raspavioŭ pres-sakratar MNS Vital Navicki, u Hrodnie adznačany dziasiatki vypadkaŭ padzieńnia dreŭ, mietaličnaj kanstrukcyjaj dachu traŭmavanaja žančyna.
Paviedamleńni ab niekalkich drevach pryjšli taksama z Bresta. Jak paviedamlaje karespandent Stanisłaŭ Koršunaŭ, u Breście mocny viecier pavaliŭ drevy: paškodžanyja aŭtobus, lehkavuški i krasovier.
U ciapierašni čas front ruchajecca ŭ bok Minskaj vobłaści i Minska.
«Tam, dzie drevy zastupajuć vulicy i prajezdy, pracujuć padraździaleńni MNS, u astatnich miescach — kamunalnyja słužby. I ŭ vypadku luboj niaštatnaj situacyi telefanujcie 101», — adznačyŭ Vital Navicki.
U viedamstvie nastojliva rekamiendujuć vykonvać praviły biaśpieki pry mocnych zalevach i navalnicach: pa mahčymaści nie vychodzić z domu i adklučyć lišnija elektraprybory. Kali niepahadź zaśpieła vas na adkrytaj miascovaści, nie chavajciesia pad vysokija drevy, lepš schavacca siarod nizkarosłaj raślinnaści; kali vy jedziecie na rovary abo matacykle — spynicie ruch, pakińcie ich i pieračakajcie navalnicu na adlehłaści prykładna 30 mietraŭ ad ich; aŭtamabilistam varta spynicca i, začyniŭšy vokny, pieračakać ŭ mašynie.
Pa prahnozach, navalnicy i mocny paryvisty viecier zachavajucca ŭ noč na 18 červienia. Abvieščany aranžavy ŭzrovień niebiaśpieki.
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary