Sasus belli z padručnaha materyjału

Rasiejskija internet-resursy zapiareścili zahałoŭkami kštałtu "Hruzija zajaviła pra hatovaść da vajny z Rasiejaj". Jaskravy prykład manipulacyi. Praściej kažučy, pierakrucili słovy dziaržministra Jakabašvili.

Pavialičyć

Zaŭvažcie, Cimur Jakabašvili — dziaržministar u pytańniach reintehracyi. To bok nie prezydent, nie kiraŭnik vajskovaha ci dyplamatyčnaha viedamstva. "Abviaščać vajnu" — zusim nie jahonaja kampetencyja. Čynoŭnik prylacieŭ ŭ Brusel na niejkija tam słuchańni, žurnalisty spytali pra toje, što kruciłasia na jazyku: nakolki sytuacyja ŭ stasunkach z Rasiejaj blizkaja da vajny? — i pradstaŭnik Tbilisi adkazaŭ biaz chitrykaŭ, naŭprost: "Vielmi blizkaja, bo my dobra viedajem Rasieju".

Jak bačym, Jakabašvili nie pamyliŭsia :) Niekatoryja maskoŭskija medyi adrazu zrabili ź jaho militarysta i ahresara. Chacia lejtmatyŭ jahonaj zajavy byŭ całkam procilehły: "My, bieź pierabolšańniaŭ, musim praduchilić vajnu".

U Maskvie ž, vidavočna, kamu-kolviek karcić padlić aleju ŭ ahoń. Ja nie kažu, što ŭ Tbilisi ŭsie palityki biełyja dy puchnatyja :) Miž inšym, u paraŭnańni z tamtejšaj apazycyjaj Michaiła Saakašvili možna ličyć rusafiłam :)

Ale pa vialikim rachunku ciapierašniaja histeryka Rasiei z nahody hruzinskaha imknieńnia ŭ NATO vyhladaje takoj ža brydkaj, biespadstaŭnaj i biesperspektyŭnaj, jak toje było — pamiatajecie? — u dačynieńni da krainaŭ Bałtyi. Podbiŭka hetych kalizij adnolkavaja: pamirajučaja imperyja nia moža źmirycca sa strataj svaich kolišnich terytoryjaŭ, pierajmienavanych u zony intaresaŭ.

Pavialičyć

Kaniešnie, u hetaj histerycy šmat štučnaje pijaraŭskaj spekulacyjnaści, ale razam z tym, kali ź luboha padručnaha materyjału raz-poraz manijakalna lapić casus belli — začepku dla vajny — to možna i dahulacca…

Tak ci inačaj, kurs Hruzii dy Ŭkrainy na ŭstupleńnie ŭ NATO padvyšaje ŭ vačoch Maskvy chaŭruśnicki status Biełarusi.

Voś niadaŭna rasiejski ministar abarony Sierdziukoŭ prylataŭ ŭ Miensk z hurtom važnych hienerałaŭ — pa aficyjnaj versii, dziela abmierkavańnia niejkich rucinnych pytańniaŭ na sumiesnaj kalehii dvuch abaronnych viedamstvaŭ. Ale vajskovyja analityki majuć padstavy mierkavać, što havorka išła, u pryvatnaści, i pra niuansy supolnaha adkazu na raźmiaščeńnie ŭ Eŭropie elementaŭ amerykanskaj supraćrakietnaj abarony dy na pašyreńnie NATO. Dyj RŁS "Vołha" pad Hancavičami Sierdziukoŭ naviedaŭ, treba dumać, nia dziela ekskursii.

Maskoŭskija stratehi raźličvajuć nia tolki na rakiety, ale i na "miakkuju siłu", na farmavańnie prarasiejskich elitaŭ u postsavieckich dziaržavach. U pryvatnaści, Michaił Marhiełaŭ, nazyvajučy apošnimi nadziejnymi chaŭruśnikami Armieniju dy Biełaruś, škaduje, što "Rasieja skvapničaje i nie padtrymlivaje naležnym čynam, jak ZŠA, "pravilnyja", sa svajho hledzišča, režymy". Na dumku Marhiełava, "kali Rasieja choča lidziravać, to bok mieć chaŭruśnikaŭ dy satelitaŭ, jana taksama musić układacca ŭ heta materyjalna. I dapamahać kamu naležyć, jak rajać daśviedčanyja eksperty, adrasna, ilhotnymi kredytami, nia hrebujučy navat najaŭnymi".

Ci nie padobnyja metady i vykarystoŭvalisia, darečy, dziela farmavańnia satelitnych režymaŭ u Abchazii dy Paŭdzionnaj Asetyi?

Uzmacnieńnie chaŭruśnickaj roli Biełarusi moža dać peŭnyja sytuacyjnyja vyhady jaje ciapierašniamu kiraŭnictvu, ale, jak vy razumiejecie, zusim nie ŭmacuje perspektyvy viartańnia našaje krainy ŭ eŭrapiejski kantekst.

• 0
• 0
• 0
• 0
• 0
• 0
• 0
• 0