Invalid-vazočnik ź Lidy na ŭnikalnym chendbajku źbirajecca pierasiačy ZŠA
Invalid-vazočnik Alaksandr Aŭdzievič ź Lidy źbirajecca prajechać svaim chodam praz usie Złučanyja Štaty Amieryki ad Ńju-Jorka da San-Francyska. Dla hetych metaŭ jon zamoviŭ unikalny turystyčny chendbajk.
Z dnia na dzień z Aŭstryi dla lidskaha chłopca dastaviać unikalny chendbajk — heta rovar, jaki ŭ ruch pryvodzicca siłaj ruk.
«Zamaŭlaŭ jaho ŭ Jeŭropie, u kampanii, jakaja śpiecyjalizujecca na vytvorčaści chendbajkaŭ dla spartsmienaŭ. Zrešty, maja zamova dla ich była ŭnikalnaj, bo treba było vyrašyć niamała pytańniaŭ: chendbajk abstalavany admysłovymi macavańniami dla namiota, ryštunku i kałyski. Plus, rabili jaho z ulikam anatamičnych asablivaściaŭ siedaka», — raspavioŭ Alaksandr Aŭdzievič.
Ideja ździejśnić padarožža daŭžynioj u niekalki tysiač kiłamietraŭ naradziłasia paśla letašniaj pajezdki chłopca da Bałtyjskaha mora. Tady jon na chendbajku bolš prostaj madeli pieraadoleŭ bolš za 500 km.
«Hrošy na pajezdku źbiraŭ na kraŭdfandynhavaj placoŭcy, akramia taho, sponsarami padarožžaŭ vystupili dva pradpryjemstvy, adno ź jakich raźmieščana ŭ Lidzie. Adna z metaŭ pajezdki — pakazać inšym ludziam, što ruch, pajezdki mohuć zrabić žyćcio bolš raznastajnym, nie važna, jakim čynam ty padarožničaješ», — adznačyŭ Alaksandr Aŭdzievič. Padarožža daŭžynioj u 10 tys. km, pavodle jaho słoŭ, moža raściahnucca na 3-4 miesiacy. U dzień padarožnik płanuje pieraadolvać pa 60-70 km. Načavać źbirajecca ŭ namiocie, choć, padkreślivaje, jość niamała achvotnych dapamahčy ŭ šlachu, jakija daviedalisia pra padarožža ź internetu.
Dla 31-hadovaha maładoha čałavieka tema reabilitacyi i adaptacyi invalidaŭ vielmi blizkaja. Jon niekalki hadoŭ uznačalvaje Lidskuju mižrajonnuju arhanizacyju invalidaŭ-vazočnikaŭ. Alaksandr Aŭdzievič padkreślivaje, što ŭdałosia znajści parazumieńnie ź miascovymi ŭładami z nahody stvareńnia infrastruktury dla invalidaŭ: admysłovymi padjomnikami i pandusami abstalavanyja kramy, sacyjalnyja abjekty i navat spartyŭny kompleks.
Viarnuŭšysia z padarožža, Alaksandr płanuje ažyćciavić z dapamohaj uładaŭ i sponsaraŭ adnu z samych maštabnych svaich idej: zrabić na bazie Lidy horad, pryvabny dla turystaŭ-vazočnikaŭ z usioj nieabchodnaj infrastrukturaj i reabilitacyjnym centram.
Ciapier čytajuć
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi2
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7676
Kamientary