Prezident ZŠA Barak Abama pažartavaŭ, što nastupnym kiraŭnikom dziaržavy moža stać Chiłary Klintan. Pra heta jon skazaŭ u čas viačery asacyjacyi karespandentaŭ.
AP Photo/Susan Walsh
Vialikaja častka pramovy Abamy składałasia z žartaŭ z nahody taho, što heta apošniaja dla jaho viačera asacyjacyi karespandentaŭ, i ŭ nastupnym hodzie jon užo nie budzie prezidentam.
«U nastupnym hodzie na hetym miescy budzie stajać užo niechta inšy, i možna tolki zdahadvacca, kim jana budzie», — skazaŭ Abama, namiakajučy na Klintan — adzinuju žančynu, jakaja ŭdzielničaje ŭ prezidenckaj honcy.
Abama taksama źviarnuŭsia da supiernika Klintan Bierni Sandersa. «Bierni, ty vyhladaješ na miljon baksaŭ, abo, kali kazać u terminach, jakija ty razumieješ, na 37 tysiač achviaravańniaŭ pa 27 dalaraŭ kožnaje», — skazaŭ Abama, vyklikaŭšy avacyi i ŭśmiešku Sandersa.
Adzin z žartaŭ Abamy byŭ adpuščany na adras novaha premjer-ministra Kanady Džaścina Trudo. «Niadaŭna niechta skazaŭ mnie: «Spadar prezident, vy ŭžo ŭ minułym. Džaścin Trudo zaniaŭ vaša miesca, jon taki pryhožy, taki čaroŭny, za im budučynia».
I ja adkazaŭ: «Džaścin, daj pieradychnuć».
***
Nieadnarazova kranajučy vybarčuju honku, Abama kazaŭ, što treba prosta rassłabicca i stavicca da ŭsiaho ź ironijaj.
Vybary 45-ha prezidenta ZŠA projduć 8 listapada. U ZŠA, zhodna z 22-j papraŭkaj da Kanstytucyi 1951 h., prezident nie moža kiravać krainaj bolš za dva terminy (8 hadoŭ).
Ad Demakratyčnaj partyi na pasadu kandydata pretendujuć Chiłary Klintan i Bierni Sanders.
Kamientary