Parašenka zajaviŭ, što ŭzhadniŭ z Pucinym ałharytm vyzvaleńnia Nadziei Saŭčanka
Prezident Ukrainy vykazaŭ nadzieju, što jamu z prezidentam Rasii Uładzimiram Pucinym udałosia ŭzhadnić papiaredni ałharytm vyzvaleńnia ŭkrainskaj lotčycy Nadziei Saŭčanka.
«Učorašniaja razmova z Pucinym była pa majoj inicyjatyvie, i na padstavie papiarednich napracovak, mnie zdajecca, što nam udałosia ŭzhadnić peŭny ałharytm vyzvaleńnia Nadziei», — skazaŭ Parašenka ŭ chodzie sumiesnaj z premjer-ministram Danii Łarsam Rasmusenam pres-kanfierencyi ŭ Kijevie ŭ aŭtorak.
Ukrainski prezident paviedamiŭ, što ŭžo daŭ šerah daručeńniaŭ dla adpracoŭki miechanizmu viartańnia ŭkrainskaj lotčycy va Ukrainu
«Siońnia ŭ mianie adbudziecca sustreča z mamaj i siastroj Nadziei, mnoju buduć dadzieny adpaviednyja daručeńni Ministerstvu justycyi dla taho, kab adpracavać inšyja miechanizmy. Adpaviednyja daručeńni atrymaŭ ministr zamiežnych spraŭ (Klimkin), i heta składanaja praca, ja miarkuju, pavinna być zavieršana jak maha chutčej viartańniem Nadziei dadomu», — skazaŭ Parašenka.
«Prynamsi, ja padkreśliŭ, što hatovy adpravić prezidencki samalot dla taho, kab razam z maimi pradstaŭnikami zabrać Nadzieju dadomu, i jak maha chutčej viarnuć jaje va Ukrainu», - skazaŭ prezident Ukrainy.
Jon taksama nahadaŭ, što abmierkavaŭ z prezidentam Rasii mahčymaść dopusku da Saŭčanka niamieckich daktaroŭ.
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary