15 krasavika na niezaležnaj sceničnaj placoŭcy ŭ Pałacy mastactvaŭ adbyłasia premjera pieršaha biełaruskaha śpiektakla, pastaŭlenaha na narodnyja hrošy. Režysior Alaksandr Marčanka natchniŭsia adnajmiennaj pjesaj Vitala Karalova «Opium» i prahnazuje, što hetaja pastanoŭka moža źmianić realnaść biełaruskaj teatralnaj prastory.
Stvaralniki nazyvajuć jaho «samym ščyrym śpiektaklem hoda». Čas pakaža, ci heta sapraŭdy tak; ale ŭžo možna skazać, što hetaja pastanoŭka zroblena pa «samaj ščyraj pjesie» hoda. Jaje aŭtar – małady biełaruski dramaturh Vital Karaloŭ. Novaja pjesa «Opium» užo sabrała najlepšyja vodhuki siarod krytykaŭ, jakija nazvali jaje «žyvoj» i «nie pa-biełarusku ščyraj».
Śpiektakl pra toje, jak vajna va Ukrainie i jaje nastupstvy ŭpłyvajuć na biełaruskaje hramadztva ŭvohule i na śviadomaść kožnaha paasobku. I pra toje, što vajna ŭ hałovach, na kuchniach i prypynkach transpartu značna strašniejšaja, čym u zonie sapraŭdnych bajavych dziejańniaŭ. Hetuju temu niemahčyma ŭjavić sabie ŭ dziaržaŭnych teatrach, tamu była vybrana alternatyŭnaja placoŭka. Na kraŭdfandynhavaj płatformie «Vulej» www.ulej.by za niekalki miesiacaŭ sabrali summu, nieabchodnuju dla dekaracyj, kaściumaŭ dy inšych patreb. Prajekt prafinansavali 136 čałaviek.
Andrej Kurejčyk, dramaturh, režysior: «Raspaviadać praŭdu i ŭ teatry, i ŭ kino nieabchodna. A na praŭdu hrošaj u ministerstvach nie dajuć. Ščyraść i praŭda patrebny samim hledačam, kab zastavacca svabodnymi ludźmi»
Śpiektakl raźličany na ŭzrostavuju katehoryju 18+.
«Kali ja pisaŭ hetuju pjesu, ja nie abmiažoŭvaŭ siabie samacenzuraj, unutranymi zabaronami», — kaža Vital Karaloŭ. «Pisaŭ, nie spadziajučysia, što heta budzie pastaŭlena. Uvohule ja suprać matu na scenie, ale tut nienarmatyŭnaja leksika darečy. Kali b jaje tam nie było, ja b nie zmoh skazać, što byŭ ščyry z saboj».
Na papiaredni pakaz i premjeru bilety nie pradavalisia, śpiektakl pakazvajecca vyklučna dla ludziej, jakija jaho prafinansavali. Adsačyć, kali i dzie možna budzie pabačyć hetuju pastanoŭku, možna na staroncy Centra vizualnych dy vykanaŭčych mastactvaŭ Art-Karparejšn, jaki taksama padtrymaŭ prajekt.
Akciory śpiektakla: Maksim Brahiniec, Arciom Kureń, Anton Žukaŭ, Hanna Siemianiaka, Juliana Michnievič. Režysior Alaksandr Marčanka. Mastak Andrej Žyhur.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»14
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami2525
Kamientary