Mark Fiejhin, advakat ŭkrainskaj lotčycy Nadziei Saŭčanka nazvaŭ zaŭčasnymi paviedamleńni ŭ ŚMI pra dasiahnieńnie damoŭlenaści abmianiać jaho padabaronnuju.
U kamentary dla Radyjo Svaboda jon adznačyŭ, što pieramovy pa hetym pytańni «sapraŭdy išli», adnak vierahodnaść taho, što Saŭčanka vierniecca na radzimu ŭ bližejšyja dni, vielmi małaja.
«Prablema nia ŭ kijeŭskich uładach i nie ŭ mižnarodnaj supolnaści, prablema — u Kramli», — zajaviŭ Fiejhin. Jon dadaŭ, što pytańnie ab abmienie ŭkrainskaj lotčycy nia moža być vyrašana tolki palityčnym šlacham, pakolki dla vydačy Saŭčanki patrebnyja peŭnyja jurydyčnyja abhruntavanini: padpisanaje prezydentam Rasii Ŭładzimiram Pucinym pamiłavańnie albo vykanańnie damoŭlenaściej, praduhledžanych kanvencyjaj Rady Eŭropy ab vydačy asudžanych.
Raniej u paniadziełak siastra Nadziei Saŭčanki Viera zajaviła, što pieramovy ab abmienie ŭkrainskaj vajskoŭki sarvanyja. «Parašenka, Pucin, viarnicie Nadzieju», — napisała jana na svajoj staroncy ŭ «Fejsbuku». Viera Saŭčanka taksama paviedamiła, što jaje siastry moža spatrebicca špitalizacyja z-za nastupstvaŭ haładoŭki, jakuju jana trymaje z 6 krasavika.
Advakat Mikałaj Połazaŭ pry hetym paviedamiŭ u «Fejsbuku», što sama Saŭčanka admoviłasia ad špitalizacyi i spynieńnia suchoj haładoŭki. Lekary zajavili, što z-za hetaha ŭ kryvi ŭkrainskaj vajskoŭki vialikaja vierahodnaść ŭtvareńnia tromba i jaje raptoŭnaj śmierci. «Nadzieja vielmi čakaje dopusku da jaje niezaležnaj kamisii lekaraŭ. Ukrainskich abo niamieckich medykaŭ. Ale pakul nijakaj pazytyŭnaj infarmacyi ab ich dopusku na siońniašni dzień nia majecca..», — dadaŭ Połazaŭ.
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary