Pretendent na pasadu prezidenta ZŠA Donald Tramp čarhovy raz staŭ dziadulem, pieradaje Associated Press. Dačka miljardera, Ivanka Tramp, jakaja znachodzicca ŭ šlubie z Džareamd Kušnieram, naradziła treciaje dzicia.
Jana abviaściła ab naradžeńni syna, jakoha nazvali Teador Džejms, u svaim mikrabłohu ŭ Twitter. Pavodle jaje słoŭ, jany z mužam «nievierahodna ščaślivyja».
Donald Tramp, jaki časta zhadvaŭ pra ciažarnaść svajoj dački padčas pieradvybarnaj kampanii, pakul nie zrabiŭ nijakich publičnych zajaŭ ab naradžeńni svajho vośmaha ŭnuka.
Ivanka Tramp — pradprymalnik, fotamadel i piśmieńnik, adna z troch dziaciej ad šlubu budaŭničaha mahnata Donalda Trampa z čechasłavackaj spartsmienkaj i fotamadellu Ivanaj Zielničkavaj-Tramp.
Usiaho ŭ patencyjnaha kandydata ŭ prezidenty ZŠA piaciora dziaciej, u ciapierašni čas 69-hadovy palityk žanaty z 45-hadovaj słavienskaj fotamadellu Miełani Knaŭs-Tramp.

Kamientary