U Bruseli 25 sakavika zatrymanyja try čałavieki, jakija padazrajucca ŭ padrychtoŭcy teraktaŭ na terytoryi Francyi. Pra heta paviedamlaje Reuters sa spasyłkaj na prakuraturu Bielhii.
Adzin z padazravanych pry zatrymańni sprabavaŭ uziać zakładnikaŭ i byŭ paranieny, paviedamlaje RTBF. Pavodle niepaćvierdžanych źviestak, pry im byŭ zaplečnik z vybuchoŭkaj. U apublikavanym RTBF roliku bačna, jak robat-sapior nabližajecca da čałavieka, jakija lažyć na tramvajnym prypynku z zaplečnikam u ruce.
Zatrymańni prajšli ŭ bruselskaj kamunie Scharbiek. Padčas rejdaŭ adbylisia try vybuchi. Pa słovach pradstaŭnika miascovych uładaŭ, heta było kantralavanaje raźminiravańnie.
Raniej paviedamlałasia, što ranicaj 25 sakavika ŭ Bruseli byŭ zatrymany padazravany ŭ datyčnaści da niadaŭnich teraktaŭ. Z šaści čałaviek, zatrymanych u Bruseli napiaredadni, troje byli źmieščanyja pad vartu, paviedamlaje The Guardian.
Uviečary 24 sakavika ŭ pryharadzie Paryža byŭ zatrymany čałaviek, jaki padazrajecca ŭ padrychtoŭcy teraktaŭ na terytoryi Francyi. Pavodle dadzienych francuzskich ŚMI, jaho zavuć Reda Krykiet. Paviedamlajecca, što jon byŭ źviazany z Abdelchamidam Abaudam - mierkavanym arhanizataram teraktaŭ u Paryžy ŭ listapadzie 2015 hoda, zabitym padčas śpiecapieracyi nieŭzabavie paśla teraktaŭ.
22 sakavika ŭ Brusieli adbylisia try vybuchi, u vyniku jakich zahinuŭ 31 čałaviek i 300 atrymali ranieńni. Vybuchi zładzili try śmiarotniki, apaznanyja palicyjaj jak Ibrahim Bakravi, Chalid Bakravi i Nadžym Łašravi. Jašče dva mierkavanyja ŭdzielniki teraktu znachodziacca ŭ vyšuku. Niekatoryja vykanaŭcy vybuchaŭ u Bruseli byli datyčnyja da padrychtoŭki teraktaŭ u Paryžy ŭ listapadzie 2015 hoda. U pryvatnaści, na miescy vybuchaŭ u Paryžy była znojdziena DNK Nadžyma Łašravi.
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha16
Kamientary