Na hałoŭnaj scenie Jeŭropy vykanaŭca Ivan prezientuje pieśniu Viktara Drobyša Help you fly.
Padapiečny rasijskaha pradziusara Viktara Drobyša śpiavak Alaksandr Ivanoŭ (Ivan) rychtujecca šakavać hledačoŭ konkursu «Jeŭrabačańnie-2016», jaki adbudziecca ŭ Stakholmie z 10 pa 14 maja, pišuć rasijskija ŚMI.
Hałoŭnaj «fiškaj» numara vykanaŭcy stanie jaho vyhlad i sapraŭdy dziki anturaž. Mała taho što Ivan vyjdzie na hałoŭnuju scenu Jeŭropy absalutna hoły, dyk jašče i vyviedzie za saboj žyvych vaŭkoŭ.
Kab ažyćciavić zadumanaje, kamandzie Alaksandra Ivanova treba budzie atrymać śpiecyjalny dazvoł, kab vykarystoŭvać drapiežnikaŭ u svaim numary. Pa słovach pradziusara Drobyša, na dadzieny momant jon robić usio mahčymaje, kab pieramovy sa šviedskim bokam nie zajšli ŭ tupik.
— Šviedy pakul razvodziać rukami. Tak, Saša budzie na scenie hołym, i tak, tam buduć vaŭki, — padzialiŭsia Viktar Drobyš. — Pa sutnaści, kožny čałaviek atajasamlaje siabie ź niejkaj tatemnaj žyviołaj. Časam my dušym jaje ŭ sabie, ale nie kožny moža sustrecca ź im tvaram da tvaru. My chočam, kab usie adčuli hetuju tonkuju hrań pamiž čałaviekam i pryrodaj.
Adznačym, jeŭrapiejskija bukmiekiery voś užo paru tydniaŭ staviać na pieramohu rasijskaha śpievaka Siarhieja Łazarava, jaki pradstavić na konkursie pieśniu You Are the Only One. U piaciorcy lidaraŭ taksama Šviecyja, Charvatyja, Malta i Aŭstralija.
A voś biełaruski śpiavak, na žal, pakul u liku aŭtsajdaraŭ. Za im — 40-y radok rejtynhu siarod 43 krain-udzielnic.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1515
Kamientary