Prafiesijnaja supolnaść raspracoŭščykaŭ prahramnaha zabieśpiačeńnia dla miedycyny utvorana ŭ Minsku

Biźnies-inkubatar IT House (www.ithouse.by) i kampanija ISsoft (www.issoft.by) abviaścili ab stvareńni ŭ Minsku supolnaści it-śpiecyjalistaŭ, jakija raspracoŭvajuć prahramnaje zabieśpiačeńnie i abstalavańnie dla miedycyny, — H-Files (www.hfiles.ithouse.by).

Jak paviedamili BiełaPAN zasnavalniki supolnaści, ukaranieńnie ličbavych technałohij u balnicach pa ŭsim śviecie i raspaŭsiudžvańnie nasimych pryład, jakija buduć sačyć za stanam zdaroŭja, pryviało da pieravarotu ŭ achovie zdaroŭja. Raniej nievylečnyja chvaroby stanoviacca vylečnymi, a siaredniaja praciahłaść žyćcia raście. Pryciahvajučy vialikija finansavyja ŭlivańni, hetaja śfiera zabiaśpiečvaje vysoki (navat pa mierkach IT) uzrovień hrašovaj kampiensacyi śpiecyjalistam, jakija ŭ joj pracujuć.

Ź inšaha boku, adznačajuć arhanizatary supolnaści, i IT, i sučasnaja miedycyna ź`iaŭlajucca składanymi navukajomistymi dyscyplinami. Akramia dobraha viedańnia technałohij, kožny prahramist, testyravalnik, biznes-analityk, śpiecyjalist pa interfiejsam abo prajektny mieniedžar u hetaj śfiery pavinien aryjentavacca ŭ miedycynskim i strachavym zakanadaŭstvie krainy pryznačeńnia. «Hetyja i inšyja faktary abciažarvajuć kar`ieru ŭ IT Healthcare. Uźnikła patreba ŭ stvareńni supolnaści, jakaja b, ab`iadnoŭvajučy namahańni pačatkoŭcaŭ i daśviedčanych śpiecyjalistaŭ, dapamahała pieraadoleć bar`iery», — havorycca ŭ paviedamleńni.

Supolnaść H-Files źbirajecca pravodzić štomiesiačnyja sustrečy ŭ Minsku, abmieńvacca vopytam i infarmacyjaj pra apošnija tendencyi ŭ IT Healthcare, raźvivać vysokatechnałahičnyja prajekty ŭ hetaj halinie. Na sustrečy zaprašajucca lepšyja ajčynnyja śpiecyjalisty i zamiežnyja śpikiery. Pieršaja sustreča (www.hfiles.ithouse.by) adbudziecca ŭ subotu, 12 sakavika.

IT House - biźnies-inkubatar it-śpiecyjalistaŭ, startapaŭ. Arhanizatar nacyjanalnaha konkursu inavacyj Belarus Startup, mižnarodnaj kanfierencyi raspracoŭščykaŭ hulniaŭ GDS i sieryi mierapryjemstvaŭ dla it-pradprymalnikaŭ.

ISsoft — minskaja softviernaja kampanija, u jakoj pracujuć zvyš 600 čałaviek, padraździaleńnie Coherent Solutions Inc. Z 2003 hoda pracuje na rynkach Paŭnočnaj Amieryki i Zachodniaj Jeŭropy (aŭtsorsinh i raspracoŭka svajho PZ). Śpiecyjalizujecca ŭ napisańni custom applications na Java,.Net, BI i mabilnych technałohijach. Kampanija vykonvaje prajekty dla 15 industryj, u asnoŭnym Healthcare, Insurance, Banking.

• 0
• 0
• 0
• 0
• 0
• 0
• 0
• 0