U internecie trafiku ad botaŭ i ŠI ŭžo bolš, čym ad ludziej
Novy dakład kampanii Human Security pakazaŭ, što internet-trafik ad botaŭ i štučnaha intelektu ŭžo pieraŭzyšoŭ čałaviečy. Heta aznačaje, što ciapier u siecivie bolš dziejańniaŭ robiać prahramy, a nie ludzi, piša CNBC.
Pavodle daśledavańnia, aŭtamatyčny trafik u 2025 hodzie ros amal u vosiem razoŭ chutčej, čym čałaviečy. Asabliva mocna paŭpłyvała raźvićcio takich sistem, jak ChatGPT, Claude i Gemini — z-za ich vykarystańnie ŠI ŭ internecie značna pavialičyłasia.
Taksama adznačajecca rezki rost tak zvanych «ahientnych» botaŭ — prahram, jakija mohuć samastojna vykonvać dziejańni za karystalnika. Naprykład, trafik ad takich sistem, jak OpenClaw, u 2025 hodzie vyras amal na 8000%.
Ekśpierty padkreślivajuć, što heta nie abaviazkova niešta drennaje: častka aŭtamatyčnaha trafiku — heta karysnyja funkcyi, naprykład aŭtazapaŭnieńnie abo ŠI-padkazki. Ale razam z hetym uźnikaje prablema davieru i dakładnaha padliku takoha trafiku, bo niama adzinaj sistemy, jakaja b uličvała ŭsie dziejańni ŭ siecivie.
U cełym śpiecyjalisty ličać, što internet chutka źmianiajecca: raniej mierkavałasia, što pa toj bok ekrana zaŭsiody čałaviek, ale ciapier usio čaściej heta ŭžo mašyna, jakaja dziejničaje zamiest jaho.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary