Žychar Połacka stvaryŭ internet-pietycyju za viartańnie horadu asablivaha statusa
Žychar Połacku Mikoła Šarach stvaryŭ internet-petycyju za toje, kab viarnuć Połacku raniejšy status.
«Horka nazirać, jak z kožnym dniom horad nie raźvivajecca, a prychodzić u zaniapad. Połacak moh by stać vybitnym turystyčnym centram, ale turystaŭ tut asabliva i niama. U paradku padtrymlivajucca chiba što «chrestamatyjnyja» abjekty, jak Safijski sabor.
Prymałasia prahrama raźvićcia horadu, ale nie vidać, kab jana dziejničała — darohi raźbityja, asabliva za paru socień metraŭ ad centru. Była prahrama pa rehieneracyi horadu, ale nie vidać, kab adnaŭlalisia pomniki architektury…
Amal kožny, chto padpisaŭ petycyju, kamentuje inicyjatyvu Mikoły Šaracha — padtrymlivaje jahonaje imknieńnie paspryjać adradžeńniu Połacku. Sam spadar Mikoła havoryć, što jaho natchniła niadaŭniaje interviju Ŭładzimiera Arłova, znakamitaha piśmieńnika-ziemlaka.
«Hałoŭnaja prykmieta hetaj tendencyi da zaniapadu Połacku va ŭsich navidavoku. Užo dva hady jak u centry horadu turystaŭ pałochaje raźbity barbarami-biełarusafobami ŭnikalny, adziny ŭ Biełarusi i ŭ śviecie kulturny abjekt — materyjalny symbal litary «Ŭ». Pra heta dziasiatki razoŭ pisała dziaržaŭnaja i niedziaržaŭnaja presa, prymała pastanovy Tavarystva biełaruskaj movy, ale z rajonnych uładaŭ jak z husi vada!
Vidavočna dehraduje adna z hałoŭnych turystyčnych vulic — vulica Nižnie-Pakroŭskaja, na našych vačoch na joj źnikaje draŭlanaja zabudova kanca 19 — pačatku 20 stahodździaŭ. Niezadoŭha da taho, jak horad pieratvaryli ŭ šarahovy rajcentar, ź inicyjatyvy viciebskaha abłasnoha kiraŭnictva była pryniataja prahrama raźvićcia Połacku, jakaja praduhledžvała rehieneracyju terytoryi Vierchniaha zamka i rasčystku rečyšča Pałaty ad Spasa-Eŭfrasińnieŭskaha manastyra da Dźviny sa stvareńniem tak zvanaj «ściežki Eŭfrasińni». Hetaja praca na siońniašni dzień spynienaja. Razburajucca niezakanservavanyja ruiny bernardzinskaha kaścioła ŭ Zadźvińni. I hety sumny pieralik ja moh by doŭžyć i doŭžyć».
Los Połacku, raniej paŭnavartasnaha horadu, a ciapier šarahovaha rajcentru, źmianiŭ ukaz Alaksandra Łukašenki № 27 ad 14 studzienia 2013 hodu. Pavodle hetaha dakumentu, byli abjadnanyja ŭ novyja administracyjnyja adzinki Połacak i Połacki rajon, a taksama Vorša i Aršanski rajon. Byli skasavanyja orhany haradzkoj ułady — harsaviety i harvykankamy. U Połacku ciapier isnujuć tolki rajsaviet i rajvykankam, padparadkavanyja Viciebskamu abłvykankamu. Heta było zroblena nibyta dziela «kancentracyi materyjalnych i finansavych resursaŭ». Na spravie resursaŭ nie paboleła, a pamienieła: Połacak abłasnyja ŭłady ciapier razhladajuć jak šarahovy rajcentar, mała zvažajučy na jahonuju histaryčnuju rolu i turystyčny patencyjał.
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert1
Kamientary