Mitrapalit Kandrusievič pra Čyrvony kaścioł: Biez dazvołu dziaržavy my nie možam ćvik ubić u ścianu
Kaścioł Śviatych Symona i Aleny ŭ Minsku maje patrebu ŭ ramoncie.
Pra heta siońnia zajaviŭ žurnalistam na pieradkaladnaj pres-kanfierencyi mitrapalit Minska-Mahiloŭskaj archidyjacezii Rymska-katalickaj carkvy arcybiskup Tadevuš Kandrusievič.
«Čyrvony kaścioł u Minsku — heta jak Ejfieleva vieža ŭ Paryžy, vizitnaja kartka našaha horada.
Ale tam praciakaje vada pad padmurak i taksama ŭ padvał. Heta vialikaja prablema. Budynak nie pieradadzieny nam, my płacim za jaho arendu. A biez dazvołu dziaržavy my nie možam navat ćvik ubić u ścianu», — skazaŭ Tadevuš Kandrusievič.
Pavodle jaho słoŭ, jon užo źviarnuŭsia ŭ adkaznyja za stan histaryčnych budynkaŭ orhany z prośbaj adramantavać kaścioł. «My pavinny dapamahać adzin adnamu, kab zachavać hetuju spadčynu, bo heta naša historyja», — miarkuje mitrapalit.
Tadevuš Kandrusievič adznačyŭ, što kaścioły, jakija pieradadzieny Rymska-katalickaj carkvy ŭ Biełarusi, adramantavany.
Ciapier čytajuć
U Čechii małady biełarus trapiŭ u komu — nahłytaŭsia tabletak praz prablemy ź lehalizacyjaj i razryŭ ź dziaŭčynaj20
Kamientary