Partał «Iźviestija.rf» apublikavaŭ artykuł z nazvaj «Dla dyskredytacyi rasijskich čynoŭnikaŭ vykarystoŭvajuć ŁHBT-aktyvistaŭ», u jakim pryvodziŭ «dokazy» taho, što za abvinavačvańniami bujnych rasijskich čynoŭnikaŭ i palitykaŭ u nietradycyjnaj seksualnaj aryjentacyi moža stajać Dziaržaŭny departamient ZŠA.
Hruntavaŭsia artykuł na «pierapiscy» Dziarždepa i rasijskaha ŁHBT-aktyvista Mikałaja Alaksiejeva.
Adkaz ambasady ZŠA ŭ Maskvie nie prymusiŭ siabie doŭha čakać. Na staroncy ambasady ŭ Facebook u chutkim časie byŭ vykładzieny toj samy list, jaki apublikavali ŭ siabie «Iźviestija», tolki z vypraŭlenymi čyrvonym stryžniem pamyłkami. Fota supravadžałasia nastupnym tekstam:
«Pavažanyja Iźviestija.rf,
U nastupny raz, kali budziecie vykarystoŭvać falšyvyja listy, dasyłajcie nam – budziem radyja dapamahčy vypravić pamyłki.
Ščyra Vaš,
Dziarždep».
Darečy, pamyłak u tekście fejkavaha lista, na chutkuju ruku napisanaha rasijskimi prapahandystami, akazałasia davoli šmat – ažno 22, pryčym niekatoryja ź ich niedapuščalnyja navat dla školnikaŭ. Tak, hora-aŭtary nie viedali navat napisańnia słova «Counselor», a taksama roźnicy pamiž «between» i «among».
Ciapier čytajuć
Byłoha supracoŭnika kontrraźviedki KDB aryštavali za zdradu dziaržavie6
Kamientary