Siońnia horad Debalcava Danieckaj vobłaści, najbujniejšy čyhunačny vuzieł, akazaŭsia padzieleny. Pamiž terytoryjami, padkantrolnymi bajevikam «DNR» i «ŁNR», źjaviłasia «mytnia». Pra heta napisaŭ u Facebook žurnalist Dzianis Kazanski.
«Pamiataju, kaliści žychary Danbasa vielmi aburalisia, što paśla raspadu SSSR pamiž Ukrainaj i Rasijaj źjaviłasia miaža, jakaja pryniesła mnostva niazručnaściaŭ i padzialiła «brackija narody». Paśla 2014 hoda ŭ Danbasie ŭžo nie adna, a cełych try miažy — z Ukrainaj, z Rasijaj i pamiž Łuhanskam i Danieckam.
Zacharčanka i Płatnicki ŭstalavali mytniu pamiž svaimi zonami ŭpłyvu i dziaruć daninu z usich, chto pravozić choć jaki tavar», — piša Kazanski.
«Apafieoz hetaj varjackaj situacyi nastupiŭ u Debalcavie, jakoje padzialili «mytniaj» «ŁNR « i «DNR» na dźvie častki. Adrezak trasy Danieck—Łuhansk, jakaja prachodzić praz horad, trapiŭ pad kantrol «ŁNR», tamu mytny błokpost pastavili faktyčna ŭ miežach Debalcava.
Takim čynam, adzin ź mikrarajonaŭ staŭ adrezanym ad astatniaha horada.
Kab trapić u centr z ŭskrainy, ciapier treba prachodzić mytniu i płacić chabar. Tak što ciapier u nas jość Debalcaŭskaja ściana zamiest Bierlinskaj», — dadaje Kazanski.
Psieŭdamytnia, jakaja raździaliła Debalcava, źjaŭlajecca dastatkova pierakanaŭčym śviedčańniem taho, što za vysokimi metami i zaklikami bajevikoŭ chavajecca banalnaja praha nažyvy i rekietu, śćviardžaje sajt «Čaćviortaja ŭłada».
***
Debalcava znachodzicca pablizu administracyjnaj miažy pamiž Danieckaj i Łuhanskaj abłaściami. U lutym 2015 hoda prarasijskija terarysty raspačali maštabny nastup na ŭkrainski horad Debalcava, niahledziačy na dasiahnutuju ŭ Minsku damoŭlenaść ab pačatku pieramirja. Bajeviki śćviardžali, što ŭkrainskija padraździaleńni, jakija abaraniali Debalcava, znachodzilisia ŭ akružeńni, adnak doŭhi čas nie mahli ŭziać horad. Ranicaj 18 lutaha ŭkrainskija vajennyja pačali adychod z Debalcava, jaki skončyŭsia na nastupny dzień viečaram. Pa dadzienych Minabarony Ukrainy, padčas pieradysłakacyi z Debalcava zahinuli 19 vajskoŭcaŭ, 135 atrymali ranieńni.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina26
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary