ZŠA vyznačylisia z prajektam novaha stratehičnaha bambardziroŭščyka
27 kastryčnika Vajenna-pavietranyja siły ZŠA abjavili, što prajekt karparacyi Northrop Grumman pieramoh u konkursie na stvareńnie pierśpiektyŭnaha stratehičnaha bambardziroŭščyka, paviedamiła kampanija ŭ pres-relizie globenewswire.com.
Prahrama raspracoŭki novaj mašyny nosić nazvu LRS-B — dalni ŭdarny bambardziroŭščyk, i ŭ konkursie ŭdzielničaŭ taksama kansorcyum inšych hihantaŭ aerakaśmičnaha siektara — kampanij Boeing i Lockheed Martin.
Raspracoŭka i vyprabavańni mašyny zaraz aceńvajucca ŭ $21,4 młrd. Usiaho ZŠA płanujuć nabyć ad 80 da 100 novych bambardziroŭščykaŭ. Košt 100 samalotaŭ moža kaštavać jašče bolš za $50 młrd. VPS ZŠA spadziajucca, što pačatkovaja apieratyŭnaja hatoŭnaść novaj mašyny budzie dasiahnutaja ŭ 2025 hodzie.
«Našy patencyjalnyja praciŭniki pašyrajuć svaje mahčymaści, i bambardziroŭščyki-stełs źjaŭlajucca samymi važnymi stratehičnymi aktyvami Amieryki, jakija strymlivajuć budučyja pahrozy i zachoŭvajuć biaśpieku nacyi», — havorycca na sajcie Northrop Grumman.
Mienavita Northrop Grumman raspracavała ŭ 1990-ja hady adziny ŭ śviecie stratehičny bambardziroŭščyk-stełs V2 Spirit, jaki i zaraz staić na ŭzbrajeńni.
Kampanija apublikavała banier, na jakim pakazała vobrazy «novych pahroz dla Amieryki». Biez podpisaŭ na baniery bačnyja rasijskija rakietnyja kompleksy «Iskandier» i «Rieljef», źniščalniki T-50 PAK FA.
Kampanija adznačaje, što dalni bambardziroŭščyk-stełs źjaŭlajecca samaj chutkaj i efiektyŭnaj zbrojaj ZŠA:
— jon moža nanieści ŭdar u lubym rehijonie Ziamli za ličanyja hadziny,
— niasie adrazu šmat rakiet i bomb, u vyniku čaho košt naniasieńnia ŭdaru adnoj rakietaj pa adnamu abjektu rezka padaje,
— moža praryvać varožuju supraćpavietranuju abaronu.
Kamientary