Ministr abarony Biełarusi hienierał-lejtenant Andrej Raŭkoŭ nie vielmi aptymistyčna abmalavaŭ situacyju z užyvańniem rasijskaj avijacyi ŭ Siryi.
Uviečary 25 kastryčnika ŭ prahramie «Kontury» telekanała ANT byŭ pakazany siužet ź sieminara z kiraŭnikami respublikanskich ŚMI, jaki adbyŭsia 22 kastryčnika ŭ Baranavičach, dzie kiraŭnik biełaruskaha abaronnaha viedamstva kazaŭ, u tym liku i ab vajennaj apieracyi Rasii na Blizkim Uschodzie.
«Adzinaj prablemaj prymianieńnia avijacyi ŭ tym rajonie źjaŭlajecca toje, što ŭ hetaj pavietranaj prastory kałupajucca jašče čatyry, akramia Rasiei, subjekty. Ja mahu, viadoma, ich nazvać, ale nie budu, —
zajaviŭ Raŭkoŭ -. Heta ciapier hałoŭnaja prablema dla rasiejcaŭ. Ruskija zrabili ŭ Siryi za try tydni bolš, čym amierykancy za hod. Heta sapraŭdy tak. Tamu što amierykancy majuć tam svaje intaresy».
«A voś hetaja zaraza pa proźviščy IDIŁ, — jak adznačyŭ ministr abarony, — ruchajecca źnizu, z padbrušša, u tym liku i byłoha Savieckaha Sajuza».
Heta - Rasija, Turkmienistan, Kazachstan, Uźbiekistan, Tadžykistan. «I tolki rasiejcy ciapier prosta pa-sumlennamu nie tolki padtrymlivajuć režym Bašara Asada (u ich tam jość svaja baza z portam), ale i hladziać dalej i vajujuć ź IDIŁam», - kanstatavaŭ Raŭkoŭ.
«Stanoŭčaj rysaj ciapierašniaha stanovišča» ŭ Siryi dla rasijskich vajskoŭcaŭ jon nazvaŭ adsutnaść u «Isłamskaj dziaržavy» srodkaŭ supraćpavietranaj abarony.
«I kali amierykancy vykanajuć svajo abiacańnie i daduć idziłaŭcam, jakich jany padtrymlivajuć, — tym, chto suprać urada Asada, daduć hetaj umieranaj apazicyi pieranosnyja zienitnyja rakietnyja kompleksy, chalava skončycca. Budzie zusim pa-inšamu», — zajaviŭ Raŭkoŭ.
Jon taksama adznačyŭ, što «vielmi surjozna» staić pytańnie z užyvańniem srodkaŭ radyjoelektronnaj baraćby, srodkaŭ suviazi.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary