Міністр абароны Беларусі генерал-лейтэнант Андрэй Раўкоў не вельмі аптымістычна абмаляваў сітуацыю з ужываннем расійскай авіяцыі ў Сірыі.
Увечары 25 кастрычніка ў праграме «Контуры» тэлеканала АНТ быў паказаны сюжэт з семінара з кіраўнікамі рэспубліканскіх СМІ, які адбыўся 22 кастрычніка ў Баранавічах, дзе кіраўнік беларускага абароннага ведамства казаў, у тым ліку і аб ваеннай аперацыі Расіі на Блізкім Усходзе.
«Адзінай праблемай прымянення авіяцыі ў тым раёне з'яўляецца тое, што ў гэтай паветранай прасторы калупаюцца яшчэ чатыры, акрамя Расеі, суб'екты. Я магу, вядома, іх назваць, але не буду, —
заявіў Раўкоў -. Гэта цяпер галоўная праблема для расейцаў. Рускія зрабілі ў Сірыі за тры тыдні больш, чым амерыканцы за год. Гэта сапраўды так. Таму што амерыканцы маюць там свае інтарэсы».
«А вось гэтая зараза па прозвішчы ІДІЛ, — як адзначыў міністр абароны, — рухаецца знізу, з падбрушша, у тым ліку і былога Савецкага Саюза».
Гэта - Расія, Туркменістан, Казахстан, Узбекістан, Таджыкістан. «І толькі расейцы цяпер проста па-сумленнаму не толькі падтрымліваюць рэжым Башара Асада (у іх там ёсць свая база з портам), але і глядзяць далей і ваююць з ІДІЛам», - канстатаваў Раўкоў.
«Станоўчай рысай цяперашняга становішча» ў Сірыі для расійскіх вайскоўцаў ён назваў адсутнасць у «Ісламскай дзяржавы» сродкаў супрацьпаветранай абароны.
«І калі амерыканцы выканаюць сваё абяцанне і дадуць ідзілаўцам, якіх яны падтрымліваюць, — тым, хто супраць урада Асада, дадуць гэтай умеранай апазіцыі пераносныя зенітныя ракетныя комплексы, халява скончыцца. Будзе зусім па-іншаму», — заявіў Раўкоў.
Ён таксама адзначыў, што «вельмі сур'ёзна» стаіць пытанне з ужываннем сродкаў радыёэлектроннай барацьбы, сродкаў сувязі.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты27
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)77
Каментары