25 сакавіка праваабаронцы прызналі палітвязнямі яшчэ 9 чалавек. Агульная колькасць людзей, якія на сёння прызнаныя ў Беларусі палітвязнямі, складае 898 чалавек.
У спіс палітзняволеных дадалі наступныя прозвішчы:
Віталь Каледа, Барыс Крыцкі, Анжэла Агарок, Ірына Якаўлева, Вікторыя Грынько, Вольга Вараб’ёва, Уладзімір Захараў, Вольга Харламава, Уладзіслаў Вакульчык.
Хто гэтыя людзі і чаму праваабаронцы лічаць іх справы палітычна матываванымі, можна даведацца тут.
Спіс усіх палітвязняў Беларусі — тут.
Усяго на гэты момант палітвязнямі, паводле ацэнак праваабаронцаў, прызнаныя 898 чалавек. Апошнім часам агульная іх колькасць істотна не расце і нават змяншаецца, часам істотна. Але гэта не таму, што рэпрэсіі ў Беларусі меншаюць, — проста паралельна з новымі выпадкамі зняволення па крымінальных справах ідзе працэс вызвалення тых асуджаных, хто цалкам адбыў свой тэрмін. Некаторых вызваляюць і па памілаваннях, у тым ліку пры пасярэдніцтве ЗША, хоць на іх месца няспынна набіраюць новых вязняў. Таксама суды некаторым прысуджаюць «хатнюю хімію», пасля чаго чалавек выходзіць з турэмных сцен, таму больш не лічыцца вязнем.
Варта таксама ўлічваць, што ў статыстыку ўваходзяць далёка не ўсе, хто знаходзіцца ў зняволенні з палітычных прычын, рэальная колькасць беларускіх палітвязняў большая. Пра некаторых праваабаронцам проста нічога не вядома.
Арыштаваная палітолаг Вольга Харламава
Полацкі бізнэсмен Захараў, на якога завялі завочную крыміналку, вярнуўся ў Беларусь і атрымаў 5 гадоў калоніі
Сталі вядомыя прозвішчы ўсіх жанчын, якіх асудзілі да вялікіх тэрмінаў па справе «дваровых чатаў»
Адну з жанчын па справе «дваровых чатаў» асудзілі на 10 гадоў
Тром мінчанкам далі па 8‑9 гадоў па справе дваровых чатаў
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце
Беларуска год адпрацавала дальнабойшчыцай у Еўропе. Цяпер спрабуе паступіць у італьянскі ўніверсітэт6
Каментары