Izrailski kancern vajskovaj pramysłovaści Rafael (Rafael Advanced Defense System) pradstaviŭ na vystavie ŭ Sieule najnoŭšuju bajavuju łaziernuju sistemu «Žalezny pramień».
Jak paviedamlaje Jane's 360, novy kompleks byŭ pradstaŭleny ŭ varyjancie sistemy supraćrakietnaj abarony i ŭ viersii, skiravanaj na baraćbu ź bieśpiłotnymi latalnymi aparatami. U skład pierasoŭnaha kompleksu ŭvachodziać radyjołakacyjnaja ŭstanoŭka, punkt kiravańnia i dźvie łaziernyja ŭstanoŭki mahutnaściu «niekalki dziasiatkaŭ kiłavat». Pa paviedamleńniach kampanii, ich mahutnaść płanujecca pavialičyć da «niekalkich socień kiłavat».
Ustanoŭka zdolnaja fakusavać łaziernyja pramiani na płoskaść, roŭnuju «płoščy maniety». Dalokaść paražeńnia «Žaleznym pramianiom» składaje kala dvuch kiłamietraŭ. Krynica taksama paviedamlaje, što ŭstanoŭka ŭžo paśpiachova pratestavanaja. «Žalezny pramień» možna stavić na luboje šasi. Heta zaležyć ad patrebaŭ zakazčyka.
Piłotnaja viersija sistemy supraćrakietnaj abarony «Žalezny pramień» («Kieren barziel», Iron Beam) była ŭpieršyniu pakazanaja ŭ Sinhapury ŭ lutym 2014 hoda. Akramia baraćby ź bieśpiłotnikami i pierachopu rakiet zvyšmałoha radyusu dziejańnia, ustanoŭka zdolnaja pierachoplivać artyleryjskija i minamiotnyja snarady, na jakija nie reahuje «Žalezny kupał».
Hałoŭnyja pieravahi łaziera pierad rakietami-pierachopnikami - nižejšy košt strełu, nieabmiežavany bojezapas, nižejšy košt absłuhoŭvańnia i mienšaja kolkaść zbrojevaha raźliku, chutkaje paražeńnie celi (4-5 siekund).
Hetaja sistema stanie piataj u ešałanavanaj izrailskaj SRA, u dadatak da sistem Chiec-2 i Chiec-3, «Čaroŭnaja pałačka» i «Žalezny kupał».
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty4
Kamientary