Urahan «Patrysija» prynios u Mieksiku pahrozu pavodak i apoŭźniaŭ FOTA
Urahan «Patrysija», jaki ličyŭsia samym mahutnym u historyi amierykanskaha kantynienta, dasiahnuŭ bieraha štata Chaliska na zachadzie Mieksiki.
U čaćvier viečaram ŭrahanu «Patrysija» była prysvojena piataja (katastrafičnaja) katehoryja. Adnak, jak paviedamili mietearołahi, dasiahnuŭšy mieksikanskaj terytoryi, ŭrahan rezka asłabieŭ, i jamu prysvojena bolš nizkaja druhaja katehoryja.
Tym nie mienš śpiecyjalisty aścierahajucca, što ŭrahan moža prynieści razbureńni.
Na ŭźbiarežžy — šmatmietrovyja chvali. Paryvy vietru dasiahajuć 70 mietraŭ u siekundu. Nie spyniajucca liŭni. Sinoptyki pradkazvajuć pavodki. Daždžy ŭžo vyklikali apoŭźni.
«Patrysija» prasoŭvajecca ŭhłyb krainy. Pastupova ŭrahan hublaje svaju moc, ale, tym nie mienš, ułady papiaredžvajuć pra mahčymaść paŭtornaha ŭdaru stychii.
Prezident Mieksiki Enrykie Pieńja Ńjeta zajaviŭ u televizijnym zvarocie, što škoda ad urahanu akazałasia mienšaj, čym čakałasia, adnak papiaredziŭ, što stychija ŭsio jašče ŭjaŭlaje niebiaśpieku.
«Ja padkreślivaju: najbolš niebiaśpiečnaja častka ŭrahanu jašče nie dasiahnuła našaj terytoryi», — skazaŭ prezident.
U čakańni ŭrahanu mieksikanskija ŭłady evakuiravali tysiačy žycharoŭ cichaakijanskaha ŭźbiarežža krainy.
U troch štatach, na šlachu «Patrysii», było abvieščana nadzvyčajnaje stanovišča.
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary