U Baranavičach źbirajuć podpisy suprać raźmiaščeńnia tut rasijskaj avijabazy
U Baranavičach aktyvisty ruchu «Za Cvabodu» 4 kastryčnika pačali zbor podpisaŭ suprać raźmiaščeńnia tut rasijskaj avijacyjnaj bazy.
Jak paviedamiŭ kiraŭnik haradskoj arhanizacyi ruchu «Za Cvabodu» Viktar Syryca, u zvarocie padkreślivajecca, što raźmiaščeńnie takoj avijabazy supiarečyć artykułu 18 Kanstytucyi, pavodle jakoj Respublika Biełaruś stavić metaj zrabić svaju terytoryju biaźjadziernaj zonaj, a dziaržavu — niejtralnaj.
«My płanujem źbirać podpisy štodnia pa 10 kastryčnika ŭklučna i zatym nakirujem hety zvarot u Pałatu pradstaŭnikoŭ, — dapoŭniŭ Syryca. — Bolšaść z tych žycharoŭ Baranavičaŭ, ź jakimi my ŭčora hutaryli, suprać taho, kab u našaj krainie byli zamiežnyja vajennyja bazy. Ale padpisvajucca nie ŭsie. Jak ja liču, ludzi bajacca administracyjnaha pieraśledu».
Syryca adznačyŭ, što ŭ Baranavičach taksama viaduć zbor podpisaŭ suprać raźmiaščeńnia rasijskaj avijacyjnaj bazy ŭ Biełarusi aktyvisty stvaranaha Uładzimiram Niaklajevym ruchu «Za dziaržaŭnaść i niezaležnaść Biełarusi».
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary