Naziralniki zmohuć karystacca pryładami videa- i aŭdyjazapisu tolki z dazvołu vybarčych kamisij. Heta vynikaje z adkazu kiraŭnika Centrvybarkama, atrymanaha rucham «Za Svabodu» ŭ adkaz na svoj zvarot.
U adpraŭlenym 15 vieraśnia zvarocie ruch «Za Svabodu», jaki maje namier vyłučyć bolš za 200 naziralnikaŭ za praviadzieńniem prezidenckich vybaraŭ, cikaviłasia ich pravam mieć pry sabie i karystacca fotaaparaturaj, technikaj dla videa- i aŭdyjazapisu, a taksama aptyčnymi prystasavańniami. Arhanizacyja chacieła vyśvietlić, ci atrymajuć naziralniki takuju mahčymaść, ci budzie heta rehłamientavacca niejkimi aficyjnymi dakumientami abo instrukcyjami Centralnaj kamisii.
U adkazie za podpisam Lidzii Jarmošynaj adznačajecca, što ŭ art. 13 Vybarčaha kodeksa raźmieščany vyčarpalny pieralik paŭnamoctvaŭ asob, jakija źjaŭlajucca naziralnikami. «Takim čynam, nazvanyja vami dziejańni vychodziać za miežy narmatyŭnych pradpisańniaŭ nazvanaha artykuła. Zadavalnieńnie prośby naziralnika ab viadzieńni fota-, videazdymki, a taksama aŭdyjozapisu źjaŭlajecca pravam, ale nie abaviazkam vybarčaj kamisii», — havorycca ŭ adkazie.
Što da śpiecyjalnych aptyčnych pryboraŭ, to Jarmošyna padkreśliła, što «ich vykarystańnie dla ažyćciaŭleńnia nazirańnia na ŭčastku dla hałasavańnia vybarčym zakanadaŭstvam nie praduhledžana».
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma8
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1919
Kamientary