Žychar Dziatłava prajhraŭ hrošy i insceniravaŭ ich kradziež.
Jak paviedamlaje UUS Hrodzienskaha abłvykankama, u pačatku žniŭnia ŭ milicyju pastupiła paviedamleńnie ab kradziažy z kvatery. Mužčyna znachodziŭsia na pracy, a tym časam złamyśnik pranik u dom. Jon pieraviarnuŭ uvierch dnom usiu kvateru, znajšoŭ 2.120 dołaraŭ ZŠA i 9.350.000 rubloŭ, jakija i ŭkraŭ.
Padčas rasśledavańnia stała źjaŭlacca cikavaja infarmacyja pra paciarpiełaha. Pavodle słoŭ jaho znajomych, ź jakimi hutaryli śledčyja, stała viadoma, što mužčyna byŭ nie suprać pahulać na hulniavych aŭtamatach.
Praŭda, pry asabistaj hutarcy z supracoŭnikami milicyi jon naohuł admaŭlaŭ najaŭnaść u siabie hulniamanii. Adnak vyśvietliłasia, što žychar Dziatłava sapraŭdy spuskaŭ hrošy na hulniavych aŭtamatach, i napiaredadni znachodziŭsia ŭ Hrodnie ŭ adnym z hulniavych kłubaŭ, dzie i prajhraŭ bujnuju sumu hrošaj.
Kab paźbiehnuć paprokaŭ z boku žonki i baćkoŭ, mužčyna vyrašyŭ insceniravać kradziež.
Jon sam pieraviarnuŭ usie rečy ŭ domie, raźbiŭ televizar i adčyniŭ akno na kuchni. Zatym adpraviŭsia na pracu, a paśla pryjšoŭ damoŭ, patelefanavaŭ baćkam, paśla čaho źviarnuŭsia ŭ milicyju.
Sprava raspačata na padstavie artykuła 401 KK (zaviedama łžyvaje pakazańnie).
Kamientary